轉眼間就箍左牙一個月喇.
10月5日箍左上顎先,因為下顎d牙太迫所以要整橡根隔鬆d牙等第時擺到套落大牙到.
2013年10月4日
我終於做左由細到大都好想做既事,就係箍牙.
細細個其實就知道自己D牙唔齊 ,有倒及,小學時曾經帶過矯正器直到升中一時箍牙,但個陣又怕帶著棚鋼牙返學會俾人蝦所以放棄左.
直到中五畢業第一時間就去睇牙醫想箍牙,牙醫話好彩我細個放棄左,因為我發育未完成,就算個時箍完之後都會移位,加上我有倒及牙同咬合問題,並唔係單單箍牙就可以解決到既問題,醫生話如果我要箍牙就要削骨,做"正顎手術".
