顯示具有 2012。首爾 標籤的文章。 顯示所有文章
顯示具有 2012。首爾 標籤的文章。 顯示所有文章

2012年4月9日 星期一

2012。首爾。買物篇

去旅行,除左睇blog搵資料外,最鐘意就係睇下人地買既戰利品,睇下有無野係必買!

以下就係我既收穫喇~~

食物篇 :



大部份都係係樂天超市到買~
右下角個兩條各四包既泡菜條,會愈食愈辣,但又係會唔停口咁食,最奇既係我老豆竟然話好鐘意食!!



我幾鐘意食紫菜下面個盒Market O朱古力餅!會唔停口咁食,好快就食哂一包!再下面個盒係薯仔片,係烘唔係炸~




貓貓下面有兩個膠盒就係辣八爪魚同辣尤魚絲~返到黎香港無幾耐已經俾我食哂~哈哈~


呢兩個就係我係仁寺洞買既荼~阿媽都好鐘意飲~8000won@($56)

衣物篇 :


綠色針織外套,兩件西裝褸都係係東大門既Hello APM到買,$320@~
綠色袋29000won($205)同太陽眼鏡12720won($90)係梨大既Kosney買~
襪係行到邊買到邊,見靚就買1000won@($7),有兩對係Forever 21買,1200won@($8.5)
頂帽($12x)同件黑色衫($11x)就係係明洞買~

周邊 :





全購自於Kosney~
便條紙1000won@($7)d公仔實在太可愛了!做左手信!
啡色小包10500won($74),但我記得個陣計過明明係$40-$50到架..但返到黎香港睇單係$74?!
綠色小鏡4500won($32)
企鵝筆2500won($18)
獅子滑鼠墊3800won($27)


Big Bang!!!~
Mini 5 Alive CD 16000won($113)送海報,係CD鋪猶疑左好耐究竟買Big Bang定Top ver.好呢?!
買Big Bang又放唔低想要埋既Top,買Top又放唔低Big Bang,始終我唔係淨係鐘意Top,我都鐘意Big Bang,好矛盾!
最後朋友一句"Top啦!如果唔係Top你都唔會認識Big Bang!"都o岩既,唔係Top我都唔會鐘意左Big Bang,好啦!!Top就Top啦!!~
我結有一集,講容和買左兩包少女時代既卡,但入面一張徐賢都無,係CD鋪見到有賣Big Bang,就好屎忽痕買左兩包黎抽下~(其實真係買黎唔知做咩!哈!)
File係係明洞既車仔檔買,價錢真係唔記得~


呢個耳筒真係抵買呀!!之前係Log On見到試聽過,覺得d音質都唔錯,但要成$380無買到~
係韓國CD鋪見到27000won($191),平左咁多!!仲唔即刻俾錢咩!!

護膚品篇 :

今次都買左好多蝸牛既野,功效係肌膚再生,淡化疤痕&暗蒼印,收細毛孔,減少細紋.....一句講哂,可以令你有問題既肌膚恢復健康自然狀態!




Nature Republic :
Aqua collagen Mask - 3500won($25)
呢個係朋友介紹,話好正,好貼面,保濕專用,mask黎講算貴~
Eyes Mask - 2500won($18)

Skin Food :
Royal Honey Mask - 2500won($18)
其實我應該買多d honey既mask,話說之前朋友係泰國買左樽honey既mask俾我,個排皮膚真係多左好多!

Innisfree :
Natural essential mask - 950won($6.8)
真係要多得早我一日返香港既同事,話我聽佢走個日開始做特價買十送十,就算超重都要買!!宜家$3.4@咋!!
仲要係好用!!早知買多廿塊!!XDD
艾草 - 深層滋潤同改善面色
石榴 - 有助皮膚吸收膠原蛋白,使皮膚更有彈性更有潤澤度
藍莓 - 高效抗氧化,使皮膚透白及煥發柔嫩光滑肌膚
蜂蜜 - 提供肌膚豐富養份,集中保濕,打造健康亮麗肌膚
青瓜 - 提供肌膚活力及補充皮膚所需水份
Olive real mask - 2000won($14)
店員介紹,有機橄欖補水面膜,深入肌膚毛孔有效滋潤深層皮膚~
一拎塊mask出黎,d汁係多到"寫"出黎!!
Bio science eye mask - 3000won($21)
濟州海洋植物眼膜,之前已經想買eye mask,店員推介呢個,話會收緊眼袋皮膚會firm d,減少眼紋~

Etude House :
Darling sheet mask - 4000won($28)
Jelly狀面膜~
Collagen moistfull sheet mask - 2500won($18)
骨膠原蛋白精華面膜,含高效保水成份,每塊都含有高效保濕精華夜,敷完之後覺得塊面好圓潤,哈哈~

Toly Moly :
朋友買完蝸牛面膜,個晚係酒店敷,話好正,個時佢買都係廿幾蚊一塊,我第二日去買,要5000won($35.5)一塊,原來朋友買個陣做緊特價~=3=
但後悔買得三塊,敷完之後係明顯覺得皮膚係有彈性左!


Etude House :
Darling massage cream - 15000won($106)


Etude House :
Skin mal:gem 爽膚水 - 12000won($85)
控油,改善皮膚暗啞~
Hair treatment - 7000won($50)
因為好香,所以買黎試下!~


Etude House :
Black head remover dual sheet - 7500won($53)一盒有5塊(1500won,$10.5@)
油脂黑頭導出貼&收毛孔貼,
首先用1敷15分鐘令黑頭浮上面再用棉花棒壓出黎整走佢(好似擠暗蒼咁),
再敷15分鐘2既收毛孔mask,咁就會好乾淨喇!~
Black charcoal chin pack - 500won($3.5)
下巴控油mask~
AC clinic pink powder spot patch - 1500won($10.5)
荳荳貼,有左It's Skin,呢個已經唔再需要,XDDDD!!


Nature Republic :
Aloe vera - 3300won($23)
多功能補濕啫喱,唔一定查面,曬完太陽可以查,脫完毛後又可以查,頭髮乾你都可以查!~總之你皮膚乾咩時候都可以查!
買黎做手信一流,又平又有用,但....太大同太重!!
Aqua - 10950won($78)
高效保濕混合性皮膚水份面霜


It's Skin
Prestige cream d'escargot - 原60000won( $425),特48000won($340)
呢樽係我上網睇過好多人推荐既蝸牛霜,同事既朋友都話好用,所以一心去韓國誓要買!
起初日日都有查,但發現多左油脂粒就即刻停用,可能個排天氣好濕,我皮膚受唔到,就留返遲d先用~
幫同事買左一樽,佢覺得d印都淡左,之後就開始有少少甩皮,諗緊會唔會因為肌膚再生所以先甩皮,再查查下就好似我咁出多左油脂粒,所以佢宜家有出暗蒼先查,話好快就會謝~


It's Skin
AC Alinical solution spot control - 原11800won($83.5)特8260won($58.5)
如果成日出暗蒼荳荳既Blog友,我強力推荐呢款暗蒼水!!!!
夜晚訓教查,第二朝起身粒荳係謝左89成,查多一日就平滑返~


The Saem :
同行朋友睇台灣節目多人推荐,兩款都係三分鐘泡泡mask,非常適用我呢d懶人呀,哈哈!!
Diamond - 12000won($85)
淨化肌膚,使肌膚變得明亮通透~
Black Pearl - 14000won($99)
排出毒素,去角質層,收細毛孔,控制皮脂分泌~


Nutree crema caracol - 9900won($70)
係Kosney到買,朋友上網睇過話呢個係韓國人本地好鐘意用既蝸牛霜!由於太平加上朋友話好,唔洗考慮就放入購物車!
可能我比較犯賤,用貴價蝸牛霜會出油脂粒,用呢d平價野反而咩事都無!!!=___=


The Face Shop :
Foot peeling : 7000won($50)係我係韓國買得最貴既mask!!!
其實好多牌子都有出food mask,但我俾佢bling bling既封面吸引左,我一到夏天基本上淨係著涼鞋,所以腳底有好多死皮又好厚枕~
浸完2-3日後就會開始甩皮,7日內就會變得白滑~$50可以白滑返都抵既,所以買左兩盒試下~


Innisfree :
Eco science eye Cream : 原28000won($198.5)特25200won($179)
濟洲抗皺修復眼霜,有抗衰老既效果,改善眼部皺紋,緊緻肌膚,之前唔會咁著重對眼,但宜家化妝多左,成日拉扯眼皮,好怕拉鬆哂!!
Recover Gel : 原20000won($141)特18000won($128)
抗敏抗荳修復霜,針對荳荳引致變得粗糙&凹凸不平的肌膚進行修復,恢復嫩滑肌膚.


Innisfree :
Jeju volcanic pore caly mask - 原12000won($85)特10800won($76.5)
濟洲火山泥面膜,深層清潔,控油,收細毛孔,個質地好細滑,薄薄一層已經好足夠,用完之後好光乾淨!又唔會好乾,仲好過Kiehl's!
仲有一大堆sample!

終於寫完喇!!寫左好耐=3=,我宜家非常清楚地自己買左d咩同佢地分別有咩功效,
係韓國你覺得自己o岩用就會買,但愈買愈多就會唔記得邊隻打邊隻,宜家都好既,唔記得個陣睇返呢篇blog就會知道!哈哈!

係韓國買護膚品真係好抵,當我係香港買深層清潔都$250,但$250係韓國已經買到幾樣好用既產品!
所以係韓國買得好開心,係Etude house同Innisfree買得最多,個種感覺就好似去泰國買Boots咁,掃勁多野都唔係貴!!只係每間咁掃每間咁掃就會出血好多,哈哈!!
呢埋野夠我用一年架喇,同朋友係到講笑,其實一年去一次掃一次都好似唔錯,個錢可能同香港買既差唔多,但去旅行之餘又可以拾平野,哈哈!!!~
去旅

2012年4月2日 星期一

2012。首爾。Day 5

2012年3月7日 - 星期三

今日要返香港喇~嗚嗚~


最後一日食酒店送既早餐~
食完早餐即刻落去櫃台叫人打去鷺粱津間餐廳問見唔見隻讚石介指,對方話有,仲叫我地快d去拎返!!!太好了!!!

Check Out 完就去左對面既樂天百貨既超市買左盒貴價士多啤梨答謝餐廳既人~
阿豬媽話尋日等我地返轉頭又話等唔到我地電話,我話我地成11點幾先發現唔見左隻介指,打返黎個陣已經關哂門~
佢話原來好多人都試過下漏野係到,又iphone又銀包,阿豬媽話如果佢地拾到會keep係到等人返黎頭,如果係客拾到就未必出聲,咁我都信既,如果佢地係貪心可以自己袋左隻鑽介話無見過都得~
 Anyway,"煎咋 come沙哈me da"!!!


今朝食早餐見到酒店有介紹韓國野食,有泡菜豆腐鍋,個樣好吸引,就上網seach明洞有邊間好食~結果搵到呢間!


其實係好近我地酒店~轉個彎就到~


芽菜同蘿白好食呀!!!


雞蛋鐘意落幾多就幾多~



我地每人都叫左一個牛肉豆腐泡菜鍋,豆腐真係好滑!!泡菜湯唔會好辣.對我地呢d唔係好食得辣既人黎講很適合~

仲叫左個海鮮蔥煎餅,又係好好食!!煎到脆脆地但又唔油,有好多蔥係入面~正~

食飯其間,早我一日返香港既同事whatsapp我話innisfree mask尋日開始買十送十,嘩!!不能錯過呀!!

所以臨走前,係明洞又洗錢,買左mask買左帽買左衫...等等~


加菲!!你怎麼了?!hahaha!!




仲有少少時間,就上左cafe坐,其實韓國有好多好有特色既cafe,下次真係要去試下!仲要食甜品!
我地去左酒店附近既李小姐懷舊便當咖啡室~
紅薯夫婦亦到有黎過,但佢地係去仁寺洞店~


同睇我們結婚了一樣,覺得好神奇!


但呢到飲野唔平,茶包既花茶同凍莫卡每杯要6500won($46)~


我亦將我既心聲留左係cafe既一角,haha~


仲可以寄信~~


四點半到就出發去搭巴士lu~幸好一去到就有車落唔洗等,yeah!!~

6點到去到幾場check in,我同我朋友每人都係25.5kg,共超左11kg,好彩佢無罰我地錢咋~餘下的走佬袋&手挽袋都唔好意思再寄倉!

再去退稅還電話~


登機口隔離有餐廳,就係到食最後的韓國晚餐~

最後,好滿足地結束左五日四夜之旅!!
講下對韓國既一d感想吧!


靚仔隨處可見!!只限明星,haha!!
街上見到個d真係唔算靚仔,但身型其實係唔錯架!普遍都高又唔係好瘦!
女仔就個個都好瘦,皮膚又好,又識打扮,真羨慕!!


講起靚仔點可以唔提佢丫,hahahahaha!!!
今次個韓國之旅同Big Bang好有緣,又Big Show,又Running Man,周街又見到佢地,So HAPPY!!~

食物 : 韓食類型唔多,韓燒,石頭飯,鍋物,泡菜....會明白點解韓國女仔咁瘦,韓國d野食無香港咁油膩,唔似香港汁no飯,又煎又炸又炒~

交通 : 地鐵,雖然目的地可以點到點,但中間可能要轉線,一轉線就要行一段路,有d仲要行幾遠下,等車時間都較耐~

溝 通 : 英文....真係唔係好得,有一次係地鐵站想問下人應該要行邊邊,我特登搵個年青女仔問,諗住少少英文都識掛,點知我"Sorry,i want....",個女仔就邊行邊話"ni"(係)就走左去...O左~~就算係鋪頭買野,問"have new one?",有d都未必明~化妝品鋪就唔洗驚,旅遊區多數都會有人識講國語~

其實韓國仲有好多地方想去,好多野想食,所以呢.......i will come back ga!!!

2012年4月1日 星期日

2012。首爾。Day 4

話咁快就Day 4,聽日就要返香港,我好似o岩o岩黎架咋!!


鷺梁津~

有點兒日本feel~~

雖然就食海鮮,但個樣咁吸引,唔食唔得啦!

好彩有食,因為真係幾好食~~

鷺梁津得一個出口,有三個分叉口,上天橋,沿著綠色個邊行左轉落樓梯就係~

其實你上橋就會開始嗅到海水味,那方向就對!

一心諗住幫襯個識國語既阿豬媽,起碼溝通到先,但.......錯哂!!

開頭個幾間實唔會幫襯,通常都貴,行到中間到,就有個識講國語既阿豬媽,見個檔d海鮮都唔錯,就扑取係個到買!

小八爪魚 : 8000 won
4隻小鮑 : 10000 won (如果大鮑就10000 won2隻)
長腳蟹 : 37000 won
共55000 won,同個阿豬媽講價,佢死都唔肯減,最後淨係減得個1000 won!!!
由於朋友係屬於唔會講價既類型,而我見阿豬媽企得咁硬,再講都唔會減,就54000won啦~
佢仲拎住我地袋海鮮帶我地去佢相熟既餐廳,我即刻叫stop stop!!

走左之後同朋友傾返其實唔應該幫襯佢地,因為佢地就係食住我地呢d想搵個國語人可以溝通得到既心態反而唔平得多俾我地~

結果証明我們是對的!!

朋友想食蝦,所以再行後幾檔,有檔小檔賣既蝦都幾大隻,阿豬媽又好笑容個樣又nice,就呢間啦!
10000 won : 6隻+1隻(阿豬媽自己話送俾我地!真好!)
見到帶子又想食!
10000 won : 4隻+2隻(叫阿豬媽平d,佢就送多隻,我話我地兩個人,5隻唔夠分,叫佢送多隻,佢舉起手指公讚我好,應該係讚我識搵著數,哈哈!)
係呢檔其實買得好開心,語言不通其實唔緊要,仲有身體語言同手語,我地走個陣,阿豬媽仲好好笑容咁送我地走~
最衰係第一檔買左咁多野,如果唔係實會係呢檔買多d!!

其實我地買d海鮮都唔知算平定算貴,但咁多間檔口你真係好難格哂價,唔超出我地既預算就ok!~

上到二樓,自然會有人走出黎朝呼你~

又係有個識講國語既阿豬媽出黎叫我地入去,我問佢幾錢一個基本費+人加工費,佢望完我地d海鮮同問完想點整就話11000 won一個人,共22000 won~

我叫佢平d,佢起初話唔得已經好平,結果有個我懷疑係社長既阿豬媽出左黎,識講國語既阿豬媽同佢交代完一輪,個社長就話無問題,20000 won兩個人全包~

我梗係無問題啦!因為之前上網睇過加工費+基本費around 15000 won一個人,所以佢話10000 won我都好出奇,我已經double confirm係咪20000 won全包兩個人~

呢間餐廳係海鮮市場第二條大樓梯上去既第一間~

基本既配菜~

第一樣上枱既野!!woooooo!!!仲不斷係咁郁架!!!其實食到最後,佢地都仲識郁!!

首先我係口入面玩弄一翻先,俾吸管吸住既感覺好得意!好似同你鬥緊力~

好爽!!雖然落左d麻油,但本身無咩味,所以都係點辣醬食~

清蒸!!好清甜!!good!!

BBQ鮑魚一般般~

BBQ蝦我覺得熟得濟~

嘩~~呢隻係極品,只係清蒸已經很OK!本身新鮮就係一大特點!!

d肉質呢...肥美又清甜...蟹柳棒...正呀!!

但一上枱就有個疑問,點解好似少左兩隻腳既?!!!!係本身已經斷左定係間餐廳食左我地兩隻腳呢?!係一個迷...
總括 : 材料費74000 won + 加工費20000 won = 94000 won = $666兩個人,每人$333~

食飽飽就閃去首爾站~

係寒風之中等左好耐車,仲要搭左架龍山站就係終點站既車,點解呢?!我地搭錯線囉!只要搵返正確月台再等車就可以去返首爾站~

因為一入車站見到往龍山就係中間月台落左去,無留意到係幾多號線~
其實我地應該係要搭最右手邊既5號線去返首爾站~

去返樂天買手信!!

其實我應該要係第一日入酒店就影相,因為係最整齊,但個日趕Big Show,完全忘記了!!

d人話細,我又覺得ok ! (嗯!!我明白!!係好亂..!!XDD)

但metro hotel唔係間間房都有浴缸,有d房會係企缸~

係Dunkin Donuts買左泡芙同Donuts,呢個泡芙好好味!有d檸檬味又有少少芝士味!

夜晚我地就係明洞活動,雖然好似成日係明洞,但其實都未算正式行過,因為之前都係入化妝鋪多~

晚餐我地決定翻兜第一餐,因為覺得幾好味,而個餐又食得好急,今次就可以慢慢品嚐!

其實呢間野唔貴,我地食個set 7500 won($53),有兩份唔同味道既豬肉,一碗飯,一個泡菜鍋+拉麵/手撕麵~(其實已經好飽,一個餐咁多野食!)

呢份似牛但實質係豬,"葉"得好好食,甜甜地但又有肉味!我同朋友都好鐘意食~

第一餐食拉麵,今餐食手撕麵,手撕麵好食d~

第二款豬肉就係泡菜鍋入面,有幾大塊,有剪刀俾我地剪開食~

食食下飯,朋友無啦啦"呀!!"左一聲,我問佢咩事,原來佢先發現自己唔見左隻鑽石介指!!!!!

回想起,佢係應該係食海鮮抹手時除下忘記帶上!!

幸好我地拎左卡片,返到酒店就叫人幫我地打電話,但個陣已經成11點幾,人地都收哂鋪,唯有等第二朝啦~

又到最煩惱既時間,就係收拾行李!!

如何將呢四日既戰利品塞入o急呢?得既,俾d時間我!


拾下睇下電視繼續拾又繼續睇電視,又攪到夜一夜,食返個甜品先!!kekekeke!!