。台北,我又又又來了!－Day 2。

２０１０年５月２２日　－　星期六

其實今日原定既行程係：

九份－平溪－十分－基隆廟口夜市－乾杯－五分埔－饒河街夜市～

但尋日睇天氣報告，話今日會有狂風大驟雨，對於需要上山路既九份都有點兒危險（人地覺得），經過尋晚一輪開會之後， 決定捨棄已俾訂金既租車錢，改變行程唔上九份！（我內心簡直歡呼ＩＮＧ！天助我也！九份同廟口我再去無所謂，不過平溪同十分真係短期內都唔係好想再去～） 呵呵呵呵呵！改變行程嚕！！！

一大清早既目標就係對面既美華泰流行生活館～其實係類似ｄ超市咁～

地下係賣生活用品～
２樓係賣衣服～

３樓係賣野食同少少家具用品～

仲見到漢典～～哈哈～～

好彩一朝早去無咩人行～可以慢慢揀～～

３樓仲有文具部～～海綿寶寶～～

仲有埋ｐａｕｌ　ｆｒａｎｋ～～
行左個幾鐘之後，大家就一包二包拎哂返酒店先～

咁ｏ岩係ｈｋ一早訂定既太陽堂都送到黎～

整理行裝後又再出發，分左幾批人，一Ｄ去買手信，一Ｄ去買八仙果，一Ｄ去相機街，我係西門町間完價買埋Ｄｒ。Ｗｕ就去捷運集合，出發去食我好期待既起司豬扒！！呵呵！！

佢係位於忠考復興站～大安區大安路一段51巷16號～唔算好難搵～

我地去到個陣咁佢咁Ｏ岩ＣＬＯＥＳ要落場，我地就"哎"佢俾我地食埋～成功～哈哈～

可能係天書介紹，我地一入到去，好多都係香港人！

當然係食招牌菜乳酪里脊豬排～

如果就咁叫一客豬排就真係得一塊豬排，但加多＄５０台幣就可以有ｓｅｔ～有飯、有野飲、有泡菜、有甜品～正確價錢我真係唔係好記得，但我地係用＂好抵＂黎形容！

起司湧哂出黎！

哇哇哇！！！ＭＹ　ＬＯＶＥ！！

我地係飽到上心口咁行出呢個門口～

豬豬～～～下次來的時候還能見到你嗎？？

食飽就要行下，去左隔離兩個站既市政府站，行信義區！

１０１～

晚餐就去食位於忠考敦化站既統領廣場既乾杯～

餐單交由乾杯ｄ　ｓｔａｆｆ負責，唔洗煩～哈哈～

全場爆滿～黎食既台灣人全部都係後生仔女，如果有ｄ係上左年紀既人，就一定係遊客，我食個晚有３枱已經係香港人～加上成程食肉，真係得後生仔女會鐘意～

好食：７分～
氣氛：９分～乾杯好識做氣氛，所以成晚都係好嘈好嘈～

食完又要行下～後山埤站既五分埔～

真係大到呢。。。。我兜左幾十百次先可以返返去集合地點！

行到去１１點半就打的返酒店～

返到去放低野又見肚餓就同雌雄同體＆佢既台灣朋友一齊出左去食２４小時既摩斯漢堡～

後一晚順路影埋間房～

三人房夠大！我鐘意！

ｆｙｆｙ話係西門町買到幾把好平又好靚既傘！結果２點半我地齊齊去拍ｄｙｄｙ房門話要落街買正野，好彩佢同佢男友未訓姐～最後仲有個喊著走出黎既ｏ靚仔死要跟埋我地落去～佢阿媽話攪唔掂佢，最後就齊齊走左去西門町～

結果傘就買唔到，但又走左去７－１１掃野食～哈哈～

。台北,我又又又來了!－Day 1。

２０１０年５月２１日　－　星期五

－９點機場集合，最後都係各自各ｃｈｅｃｋ　ｉｎ～

－Ｋ區整台証～

－ｄａｄｄｙ　ｆｉｎｄｓ早餐～

－１１點幾機～

－上網買機票個陣可以揀埋食咩餐，見咁新鮮就揀左印度餐，一心以為係食咖哩同薄餅～點知。。。。以後都係穩陣派算～
－去到台灣出到機場都１點幾～咁多人就打的去酒店，原來個收費好怪～如果機場去市中心收費係咪錶＋咪錶５０％～４個人坐就１千１百幾到～半個鐘到去到酒店～
－今次住ｊｕｓｔ　ｓｌｅｅｐ～之前ｐｕｉ同ｃｈｉｎｇ住過見幾好就試下～真係唔錯唔錯！乾淨又靚～
三人房：空間勁大～全部人係我地房討論仲得！哈哈～
雙人房：睇左幾間，有大有細～
　　　　。有間張床係ｋｉｎｇｘ２　ｓｉｚｅ既床～但可用空間就細ｄ～
　　　　。有間係一入去就有張長書枱，房主人十分高興，因為兩部電腦都可以放哂係到～床就係普通雙人床～但可用空間就較大～
雙床房：頭對頭前後床，很特別的設計～中間仲有張沙發～

一入房見咁ｇｏｏｄ就忍唔住影左幾張相先～
大家安頓左行李後就出發了！
原定宜家係自由時間直至晚上７點係餐廳集合～但基本上都係無分別～哈哈～
首先食左野先～太餓了！

我的目標之一：可樂餅～～～

即叫即做～

熱到爆！

我食起司豬肉可樂餅～～中間係起司喔！ｍｙ　ｌｏｖｅ！

出乎意料之外的好食！我下次實要再食！

另外食左阿宗麵線、大大杯野飲。。。。

填飽肚後第一站梗係去搵ＭＹ　Ｈｏｎ　Ｈｏｎ啦！！我相信呢個紙樣公仔會係港女景點之一～

Ｅｔｕｄｅ　Ｈｏｕｓｅ～真係未用過～不過同事話ＢＢＣｒｅａｍ好用～但我無買～反而買左其他～～

三個女仔夾埋俾錢，做埋ｖｉｐ，仲送左一大袋禮品同幾個袋～真開心～呵！
去左康是美格價Ｄｒ。Ｗｕ～無我想像中咁平同咁多優惠～
出發去台北車站地下街搵李儀！其實係我話要去～其實出發之前已經訂定＜老太陽堂＞，再送去我地飯店～但一直話要買食李儀的我誓食李儀的我點都要去李儀～因為李儀的太陽餅太好食了！～～
點知去到佢地試食完李儀之後，佢地都鐘意埋李儀。。！老闆之後食完仲話我做咩介紹佢地訂太陽堂～話我扇佢～因為佢地訂左好多！哈哈！！！
行行下ＣＤ鋪仲撞到兩個俾我們早幾天到台灣的同事～真是有緣～

地下街的一些熟食檔～ＱＱ魚皮！食完一舊之後：＜老闆！我要一盒！外帶！＞
另外仲有好多好好食！尤魚。。大腸。。豆腐。。！
因為李儀太重～所以我地分左兩批～一批繼續行街～一批返酒店放低ｄ野先～

我地住５樓，咁Ｏ岩就係餐廳的樓層，真方便～

我地就分兩架的士出發去我目標之一的好記担仔麵！～
好記擔仔麵
電話：2521-5999
住址：台北市吉林路79號
營業時間：11:30~14:00/17:00~03:00

如果要食真係訂定位好ｄ～真係好爆～

佢無餐牌架～係行出黎望住個樣點菜的！讚！邊個樣吸引就點邊樣！

賣擔仔麵起家～宜家日賣幾千碗～我覺得一般～～

叫左好多野食～都影唔哂～

最正最正係呢個！～
上面唔係芝士～係ｄ唔知咩醬再黎去焗～下面個ｄ係露筍？竹筍？

搭的士去美麗華個陣，話呢間係台灣人很喜歡去的海鮮店～有機會試試～

第三次ＳＡＹ　ＨＩ～～

士林夜市～～

行到去１２點幾就返酒店ｌｕｕｕ～～

當我睇睇下電視等沖涼個陣～
呢條友仔無啦啦我叫：婷姐姐～
我：咩事～～
佢：婷姐姐～～幫我＜損＞腳指！
我：？！？！？！？！我聽錯？
佢：婷姐姐～～你快ｄ幫我損腳指啦！好痕呀！
我：你講多次？！～你叫我幫你損腳指？！～
佢笑笑口：嘻嘻。。係呀～
我即刻對隻腳埋去佢到話：你幫我損完我再幫你損～黎啦黎啦～損啦～～
佢推開話：ｅｅｅ！好ｄｉｒｔｙ呀你！

之後我同佢阿媽講～佢阿媽話未聽過個仔叫佢損～話最多都係卒腳指～我就話你問下你個仔！佢個仔聽到即刻笑笑口走左去第二個姐姐到～哈哈～～