2012。首爾。Day 5

2012年3月7日 - 星期三

今日要返香港喇~嗚嗚~

最後一日食酒店送既早餐~

食完早餐即刻落去櫃台叫人打去鷺粱津間餐廳問見唔見隻讚石介指,對方話有,仲叫我地快d去拎返!!!太好了!!!

Check Out 完就去左對面既樂天百貨既超市買左盒貴價士多啤梨答謝餐廳既人~

阿豬媽話尋日等我地返轉頭又話等唔到我地電話,我話我地成11點幾先發現唔見左隻介指,打返黎個陣已經關哂門~

佢話原來好多人都試過下漏野係到,又iphone又銀包,阿豬媽話如果佢地拾到會keep係到等人返黎頭,如果係客拾到就未必出聲,咁我都信既,如果佢地係貪心可以自己袋左隻鑽介話無見過都得~

 Anyway,"煎咋 come沙哈me da"!!!

今朝食早餐見到酒店有介紹韓國野食,有泡菜豆腐鍋,個樣好吸引,就上網seach明洞有邊間好食~結果搵到呢間!

其實係好近我地酒店~轉個彎就到~

芽菜同蘿白好食呀!!!

雞蛋鐘意落幾多就幾多~

我地每人都叫左一個牛肉豆腐泡菜鍋,豆腐真係好滑!!泡菜湯唔會好辣.對我地呢d唔係好食得辣既人黎講很適合~

仲叫左個海鮮蔥煎餅,又係好好食!!煎到脆脆地但又唔油,有好多蔥係入面~正~

食飯其間,早我一日返香港既同事whatsapp我話innisfree mask尋日開始買十送十,嘩!!不能錯過呀!!

所以臨走前,係明洞又洗錢,買左mask買左帽買左衫...等等~

加菲!!你怎麼了?!hahaha!!

仲有少少時間,就上左cafe坐,其實韓國有好多好有特色既cafe,下次真係要去試下!仲要食甜品!
我地去左酒店附近既李小姐懷舊便當咖啡室~
紅薯夫婦亦到有黎過,但佢地係去仁寺洞店~

同睇我們結婚了一樣,覺得好神奇!

但呢到飲野唔平,茶包既花茶同凍莫卡每杯要6500won($46)~

我亦將我既心聲留左係cafe既一角,haha~

仲可以寄信~~

四點半到就出發去搭巴士lu~幸好一去到就有車落唔洗等,yeah!!~

6點到去到幾場check in,我同我朋友每人都係25.5kg,共超左11kg,好彩佢無罰我地錢咋~餘下的走佬袋&手挽袋都唔好意思再寄倉!

再去退稅還電話~

登機口隔離有餐廳,就係到食最後的韓國晚餐~

最後,好滿足地結束左五日四夜之旅!!
講下對韓國既一d感想吧!

靚仔隨處可見!!只限明星,haha!!
街上見到個d真係唔算靚仔,但身型其實係唔錯架!普遍都高又唔係好瘦!
女仔就個個都好瘦,皮膚又好,又識打扮,真羨慕!!

講起靚仔點可以唔提佢丫,hahahahaha!!!
今次個韓國之旅同Big Bang好有緣,又Big Show,又Running Man,周街又見到佢地,So HAPPY!!~

食物 : 韓食類型唔多,韓燒,石頭飯,鍋物,泡菜....會明白點解韓國女仔咁瘦,韓國d野食無香港咁油膩,唔似香港汁no飯,又煎又炸又炒~

交通 : 地鐵,雖然目的地可以點到點,但中間可能要轉線,一轉線就要行一段路,有d仲要行幾遠下,等車時間都較耐~

溝 通 : 英文....真係唔係好得,有一次係地鐵站想問下人應該要行邊邊,我特登搵個年青女仔問,諗住少少英文都識掛,點知我"Sorry,i want....",個女仔就邊行邊話"ni"(係)就走左去...O左~~就算係鋪頭買野,問"have new one?",有d都未必明~化妝品鋪就唔洗驚,旅遊區多數都會有人識講國語~

其實韓國仲有好多地方想去,好多野想食,所以呢.......i will come back ga!!!

2012。首爾。Day 4

話咁快就Day 4,聽日就要返香港,我好似o岩o岩黎架咋!!


鷺梁津~

有點兒日本feel~~

雖然就食海鮮,但個樣咁吸引,唔食唔得啦!

好彩有食,因為真係幾好食~~

鷺梁津得一個出口,有三個分叉口,上天橋,沿著綠色個邊行左轉落樓梯就係~

其實你上橋就會開始嗅到海水味,那方向就對!

一心諗住幫襯個識國語既阿豬媽,起碼溝通到先,但.......錯哂!!

開頭個幾間實唔會幫襯,通常都貴,行到中間到,就有個識講國語既阿豬媽,見個檔d海鮮都唔錯,就扑取係個到買!

小八爪魚 : 8000 won
4隻小鮑 : 10000 won (如果大鮑就10000 won2隻)
長腳蟹 : 37000 won
共55000 won,同個阿豬媽講價,佢死都唔肯減,最後淨係減得個1000 won!!!
由於朋友係屬於唔會講價既類型,而我見阿豬媽企得咁硬,再講都唔會減,就54000won啦~
佢仲拎住我地袋海鮮帶我地去佢相熟既餐廳,我即刻叫stop stop!!

走左之後同朋友傾返其實唔應該幫襯佢地,因為佢地就係食住我地呢d想搵個國語人可以溝通得到既心態反而唔平得多俾我地~

結果証明我們是對的!!

朋友想食蝦,所以再行後幾檔,有檔小檔賣既蝦都幾大隻,阿豬媽又好笑容個樣又nice,就呢間啦!
10000 won : 6隻+1隻(阿豬媽自己話送俾我地!真好!)
見到帶子又想食!
10000 won : 4隻+2隻(叫阿豬媽平d,佢就送多隻,我話我地兩個人,5隻唔夠分,叫佢送多隻,佢舉起手指公讚我好,應該係讚我識搵著數,哈哈!)
係呢檔其實買得好開心,語言不通其實唔緊要,仲有身體語言同手語,我地走個陣,阿豬媽仲好好笑容咁送我地走~
最衰係第一檔買左咁多野,如果唔係實會係呢檔買多d!!

其實我地買d海鮮都唔知算平定算貴,但咁多間檔口你真係好難格哂價,唔超出我地既預算就ok!~

上到二樓,自然會有人走出黎朝呼你~

又係有個識講國語既阿豬媽出黎叫我地入去,我問佢幾錢一個基本費+人加工費,佢望完我地d海鮮同問完想點整就話11000 won一個人,共22000 won~

我叫佢平d,佢起初話唔得已經好平,結果有個我懷疑係社長既阿豬媽出左黎,識講國語既阿豬媽同佢交代完一輪,個社長就話無問題,20000 won兩個人全包~

我梗係無問題啦!因為之前上網睇過加工費+基本費around 15000 won一個人,所以佢話10000 won我都好出奇,我已經double confirm係咪20000 won全包兩個人~

呢間餐廳係海鮮市場第二條大樓梯上去既第一間~

基本既配菜~

第一樣上枱既野!!woooooo!!!仲不斷係咁郁架!!!其實食到最後,佢地都仲識郁!!

首先我係口入面玩弄一翻先,俾吸管吸住既感覺好得意!好似同你鬥緊力~

好爽!!雖然落左d麻油,但本身無咩味,所以都係點辣醬食~

清蒸!!好清甜!!good!!

BBQ鮑魚一般般~

BBQ蝦我覺得熟得濟~

嘩~~呢隻係極品,只係清蒸已經很OK!本身新鮮就係一大特點!!

d肉質呢...肥美又清甜...蟹柳棒...正呀!!

但一上枱就有個疑問,點解好似少左兩隻腳既?!!!!係本身已經斷左定係間餐廳食左我地兩隻腳呢?!係一個迷...

總括 : 材料費74000 won + 加工費20000 won = 94000 won = $666兩個人,每人$333~

食飽飽就閃去首爾站~

係寒風之中等左好耐車,仲要搭左架龍山站就係終點站既車,點解呢?!我地搭錯線囉!只要搵返正確月台再等車就可以去返首爾站~

因為一入車站見到往龍山就係中間月台落左去,無留意到係幾多號線~

其實我地應該係要搭最右手邊既5號線去返首爾站~

去返樂天買手信!!

其實我應該要係第一日入酒店就影相,因為係最整齊,但個日趕Big Show,完全忘記了!!

d人話細,我又覺得ok ! (嗯!!我明白!!係好亂..!!XDD)

但metro hotel唔係間間房都有浴缸,有d房會係企缸~

係Dunkin Donuts買左泡芙同Donuts,呢個泡芙好好味!有d檸檬味又有少少芝士味!

夜晚我地就係明洞活動,雖然好似成日係明洞,但其實都未算正式行過,因為之前都係入化妝鋪多~

晚餐我地決定翻兜第一餐,因為覺得幾好味,而個餐又食得好急,今次就可以慢慢品嚐!

其實呢間野唔貴,我地食個set 7500 won($53),有兩份唔同味道既豬肉,一碗飯,一個泡菜鍋+拉麵/手撕麵~(其實已經好飽,一個餐咁多野食!)

呢份似牛但實質係豬,"葉"得好好食,甜甜地但又有肉味!我同朋友都好鐘意食~

第一餐食拉麵,今餐食手撕麵,手撕麵好食d~

第二款豬肉就係泡菜鍋入面,有幾大塊,有剪刀俾我地剪開食~

食食下飯,朋友無啦啦"呀!!"左一聲,我問佢咩事,原來佢先發現自己唔見左隻鑽石介指!!!!!

回想起,佢係應該係食海鮮抹手時除下忘記帶上!!

幸好我地拎左卡片,返到酒店就叫人幫我地打電話,但個陣已經成11點幾,人地都收哂鋪,唯有等第二朝啦~

又到最煩惱既時間,就係收拾行李!!

如何將呢四日既戰利品塞入o急呢?得既,俾d時間我!

拾下睇下電視繼續拾又繼續睇電視,又攪到夜一夜,食返個甜品先!!kekekeke!!

2012。首爾。Day 3

土俗村人蔘雞湯 - 景福宮站2號出口步行五分鐘,第二個路口左轉~

聽聞土俗村一晏少少就會好多人,所以未夠12點就去到,當早+午餐~

雖然去到唔洗等位,但入面已經好多人~

韓國每間餐廳可選擇的款式唔多,通常個餐牌一眼望哂~

走個陣拎埋個牌去俾錢就得~

想食幾多就有幾多~

原隻雞,個湯真係好好味!!飲左勁多~~

我朋友就覺得無咩蔘味,可能我本身唔食人蔘,所以就覺得很OK,哈哈!!

如果覺得唔夠蔘味,可以將跟雞湯一齊既蔘酒倒埋入個湯到~~

扒開隻雞就會見到條人蔘同埋飯,d飯有雞味又有少少蔘味好好吃喔~~~

差唔多將成隻雞給滅了就飽飽地離開,走個陣出面就開始有人排隊~~

雖然今餐係好食,但對於曾經腰傷過我黎講,右腳血液循環得唔係咁好,坐地下好快就腳痺,就算不斷轉姿勢都好快痺,所以食得唔係咁舒服~

行去景福宮既途中,見到青瓦台,同事講過導遊話要同後面座山影相,會為人帶黎好運~

但我地太懶,遠距離合照就繼續行去景福宮lu~~附近明顯多左警察巡邏,對出入青瓦台既車&人都會作簡單既調查~

去到剛剛好睇到整點交更~~

後面就係光化門廣場,李舜臣將軍,世宗大王故事館~~

PS : 我勁後悔個日朝早無帶冷帽,吹到我頭都痛埋..

加埋等地鐵既時間而又係隔離一個站,所以我地選擇行去安國站既仁寺洞~

對仁寺洞有少少失望,好遊客價,又唔係特別多野行~

Ssamziegil~

係入口處小檔買左生薑蜂蜜茶同柚子蜂蜜茶~

Ssamziegil係個特色商場,感覺似係中學改建而成,賣既野都較為藝術~

行去鐘路三街站既途中,發現Isaac~~

阿豬媽會用牛酒塗係鐵板上面再放麵包,整出黎就好似我地去BBQ既燒麵包咁個皮脆脆地~

又係有個外國人主動幫我地影,真好!!!

我食牛肉+蛋+芝士,入面仲有個醬汁,加埋脆脆的麵包真係好好食!!!宜家諗返起就好想再食!!~

返返明洞去樂天百貨買雪花秀~~去埋隔離個星光大道~~

張根碩~

玄彬~~~

Big Bang~~~~

返酒店小休一下順便Tea一下~~

魚糕 - 有點兒腥...
魚餅 - 好食!!外脆內紅豆!!

Sorry i'm a bad boyyyy~~

夜晚帶返頂冷帽出發!!!

三層肉.COM

惠化站4號出口順著走,第一條巷子左轉,右手邊第一家.

網友果然無介紹錯,食到我"插插聲"口感一流,正正正正正!!!

叫左一份五花肉,一份千層肉,但燒燒下已經唔知咩肉打咩肉了~

I will come back,too!!!

夜晚愈落愈大雨....真不喜歡!!

惠化站其實未行哂架,下次有機會會再返黎!!

夜晚就行東大門,首先行左Doota,貴價商場,零收穫~

轉行Hello APM,一入就睇中野,買左件綠色針織外套~

一著上身鋪頭個阿豬媽就七情上面表情勁誇張係咁讚我著得好睇,但事實我係幾鐘意既~~

但58000 won($411)太貴,就開始同阿豬媽講價,我同阿豬媽鬥表情誇張話好貴我無咁多錢,佢就話已經減到最平,我個fd就係側邊勁笑~

最後減到去45000 won($319),如果係香港未必會買,但見個阿豬媽又好好笑,同埋d料摸上去好似都唔錯~

Hello APM有好多層,頭兩三層係賣女裝,再上有兩層係男裝,最頂就係賣袋賣飾物(但好似羅湖商業城,打個轉就閃了!)

另外仲買左兩件西裝褸,同款唔同色,掙扎左好耐!!!好似好白痴咁,但兩個色都好鐘意,取捨唔到...唉!!算啦!!買埋啦!!如果唔係一陣後悔!!

而朋友就係同一間都買左三件褸,我地都無諗過會買到衫,太多鋪頭,間間d款又差唔多,好似係到淘緊寶咁~真係要慢慢行~

返到去酒店擺低d野又再落7-11掃宵夜~~