。我的回憶錄。: 6月 2009

2009年6月29日星期一

＊2009 墾丁 + 台北之旅 Day 1 Part B＊

續上回，食完野，就離開呢個無咩野睇既左營～

中途經個一間賣曲奇既店，就被佢既香味吸引左入去～

Ｄ曲奇全部都係ｈｏｍｅｍａｋｅ～～有唔同既口味～獨立包裝～又好味～～

同埋仲會好有心思設計一ｄ祝福語既曲奇～～

就係呢間喇～～細細間但就好有特色～

係曲奇店門口，點解肥彭同ｔｉｎａ笑得咁開心～～

原來就係大ｌｉｎ借角度黎影阿東既＜小雀咀＞～～哈哈～～

佢仲要係到＜豆＞雀～～
我地就搭返捷運去凱旋站轉免費巴士去夢時代～～

架免費巴士係ｏｐｅｎ將黎架！！勁靚！！連入面ｄ位都有ｏｐｅｎ將個樣！

一落車，我就覺得夢時代同台北既美麗華係有９成似！

一入到去～～就見到呢個ｏｐｅｎ　ｓｔｕｄｉｏ～～～黎自娛一下夾下ｂａｎｄ先啦～～

自娛活動之一　－　原來商場入面連攀石都有！～～

我地今次無坐～～因為覺得唔抵～～加上坐過美麗華ｏ個個～所以係下面影下相算～～

哈哈～～～～

我地見咩玩咩～～～

係＜夠壞堂＞前面既沙發到自拍～～我地真係好無聊～～哈哈～
行完我地就分左兩架的士去愛河～～
上車前明明同兩個司機講好左同一個地點，點知最終都係係唔同地方落左車～

愛河俾我既印象就係＜根本就係一條城門河＞～～
右邊就係河畔，左邊就係禾輋～～
因為端午節既關係，條河要準備爬龍舟～所以無得搭船遊愛河了～～～

好彩沿著條河都係夜市～～我地就開始我地既台灣掃街之旅～～

花枝丸～～

難食到嘔既粟米。。。。。。。。。

阿樊係到食左串豬血糕～～～～

薯片～～～～～～～

2009年6月21日星期日

＊2009 墾丁 + 台北之旅 Day 1 Part A＊

２００９年５月２７日　（三）

我地仍照舊分開兩班人上車，今次可以同一班車去～～

未上車前已被拍～

樊的興奮表露無遺～～～

樊的興奮表露無遺之行為，已被拍下留為紀念了～～ＸＤＤＤＤＤ
ｃｈｅｃｋ　ｉｎ完後就去食大家樂～再去拎台証～但老貓燒鬚，佢話我ｉｄ有個ｎｏ唔對，要去到台灣落地簽証～～正樣衰～～

同上次一樣，又係１２點４０分機～

上飛機時祈求台灣都係好天氣～～
過完關就去左唱錢～～之前係對４。５，但我地去個陣都係４。１到，前後不差兩星期～～

仲撞到舊同學，同我地一樣都係飛高雄台北走，班機完全一樣～～

發覺兩樣野，第一，高雄既捷運站，好少人搭，我地去到都好驚訝無人咁濟～～

第二，熱到阿媽都唔認得！！！！零冷氣！！！！

佢地ｄ站名好好笑～～又有後勁～～又有巨蛋～
我地買左一日既高捷全日通，任搭，我地有諗過搵幾個得意既站名出閘睇下附近有ｄ咩～～

我地出左捷運站就搭的士去酒店，點知架車直行再轉彎就停左，＜下？到左喇？＞～
放低行李，我地就出發去左營站買高鐵飛先～

捷運站廁所的標語，何解？？

買完飛之後，我地肚餓得濟，係左營附近行下搵野食～

經過間賣酥餅既小食～～

幾好～～甜甜地～～～內面係空心，好似食緊煎堆咁～不係係好脆既煎堆～

麻麻～～無咩芝麻味～～

呢個好食！！～

行多幾步路，就見到。。。。。。。。

2009年6月20日星期六

＊2009 墾丁 + 台北之旅之準備功夫＊

可能有左上年既經驗，今年ｐｌａｎ行程易左～

我決定詳細地寫哂今次行程出黎，一來留為回憶，二來希望幫到想去台灣既人～

第一日：＊香港－高雄－統茂－左營－夢時代－愛河－六合－統茂＊

今次搵左康泰旅行社，不得不讚個位員工，講解十分詳盡！

本身飛高雄台北走既選擇已經係好少，加上又紅日又六日，加上又ｃｕｔ左飛機班次，鑑於無機位呢個問題，我地由５日４夜變成６日５夜～～

港龍去國泰返，包三晚酒店，由於係高雄加台北ｐａｃｋａｇｅ，所以其中一晚既酒店一定要係高雄～～我地就揀左第一晚住高雄統茂，第四、五晚住台北城美～二千幾連稅～

困難之處：

一）去左營係為左買高鐵飛，雖然上網ｄ人話無咩人搭，但為求安心，唔洗到時為左＜下？！唔ｘ係呀？！真係無飛？！＞既情況下，都係買定安全ｄ～

但！！網絡訂飛係存在一個非常大既問題，成日話網路繁忙、連線不通等字句，我按左好幾日都買唔到飛。。。－＿－

第二日：＊統茂－後壁湖－出水口－浮潛－海生館－出火－品喬民宿－墾丁大街－品喬＊

上年以為會去埋墾丁，所以民宿既資料一早已經搵左～

http://uukt.idv.tw/

呢個網站有墾丁地圖、交通、住宿、美食介紹～～

http://uukt.idv.tw/uukt/street.htm

呢個係有哂墾丁所有既民宿介紹～～

由於墾丁交通係非常不便，所以一定要租車，有錢都未必有的士～

我透過ｅｍａｉｌ同＜墾丁～在地通－大丁小丁＞租左車～唔同車種唔同價錢～如果係遊客，可以免訂金～～

http://tw.myblog.yahoo.com/ting-agy1117
呢個網站都ｌｉｎｋ左好多有用既資料～
困難之處：
一）因為唔知道我地去個幾日係台灣既連續假期，所以當我ｂｏｏｋ民宿個陣好多都ｆｕｌｌ哂～～最後每間每間打去問仲有無房，打左成幾十間，真係打到急急地，想住面海，唔想住雞野，好彩衰有衰著，搵到一間正既民宿！
要住民宿最好就老早就ｂｏｏｋ定，由其係有合心水個ｄ～
二）大部份民宿都要俾訂金～

要電匯錢過台灣真係幾麻煩，又要手續費～好彩品喬係ｈｋ有戶口，入錢就容易～不過係遊客關係就要ｆｕｌｌ　ｐａｙ～

第二晚既椰道翠林屋就麻煩ｄ，民宿主人只有全中文既資料，銀行話電匯去台灣係一定要用全英文，如果錯任何一個英文字母都會令電匯失敗，到時又要再俾錢匯返ｈｋ～
我打左好多次俾民宿主人叫佢一定要留房俾我，佢話我有誠意，可以唔洗俾訂住，但去到墾丁要第一時間去左俾錢先～哈哈！～我都睇過有網友試過同民宿主人講解情況，都可以免到訂金～

第三日：＊品喬－鵝鑾鼻－最南點－斷崖－椰道翠林屋－白沙灣－南灣－民宿＊
基本上如果你租左車同搵到民宿，都無咩大問題～
如果係晏返民宿，要留意返交通問題（除非有人車），因為真係好少的士～

第四日：＊民宿－左營－高鐵－台北－城美－淡水－劍潭－伍角船板－士林－城美－信義區＊
如果住得西門田丁／台北車站，旅行社大多數都係ｏ個幾間酒店
台北車站：

華華大飯店～但我成日唔記得我地係舊館定新館～～
兩張單人床～乾淨整齊～我覺得大過城美（我住個間）～～起碼行李可以平放先～
ｋｉ：你隻黑豬還在嗎？？

城美大飯店～～遠華華十幾步路～
一眼望哂～都乾淨整齊～一張單人一張雙人床～但每間房ｓｉｚｅ都唔一樣，我地住３樓，但７樓既三人房係大好多！
西門田丁：

東龍大飯店～
大～～乾淨整齊！ｇｏｏｄ！

仲有～～如果想去伍角船板食野，留意返開放時間～因為９點到就已經關門了～

第五日：＊城美－野柳－基隆－西門田丁－熊一－城美＊
原本係ｐｌａｎ左係九份－基隆－野柳－基隆廟口夜市－台北，但因為我地遲起身，所以除消左去九份～
九份同野柳係無直接車可以去到，一定要經過基隆站轉車先去到～其實野柳係有直接車返台北，但我地要去基隆廟口夜市，就決定搭火車返台北～順帶一提，基隆廟口夜市值得一去！！
去呢ｄ地方最緊要係ｃｈｅｃｋ左客運＆火車時間表先～咁就唔洗浪費時間～因為有ｄ班次都會隔得幾遠下～～同埋注意野柳既開放時間～

第六日：＊城美－永康街－豬肉紙－西門田丁－機場－香港＊

如果要去江記華隆買豬肉紙，建議搭的士～因為係係ｄ小巷內～自己行會好難搵～

2009年6月6日星期六

。江記華隆豬肉紙。

係台灣買既江記華隆豬肉紙～我都忍唔著要開篇ｂｌｏｇ黎講～

聽朋友講話好食，又話阿ｓｏ介紹過，所以今次去旅行特登去買黎試下～～

買左一包杏仁味返公司做手信，點知。。。。一開！！

個個都話好食好食！不消一會兒，豬肉紙已被滅掉了！連ｄ碎都唔放過～～就連食開素既老闆娘都話好吃～
得一包，每人食得個少少，完全唔夠喉，老闆娘一句：＜唔知送唔送黎ｈｋ呢？？＞得！同事們，做野！

經過同事們的努力，問到係可以送黎ｈｋ，要２０包以上，會ｐａｃｋ箱，每包收返港幣＄１０運費，但對方講明＜要想清楚喔～～這東西很怕摔的喔～～＞～～
最後，我司向江記訂購了四十包豬肉紙！～
估唔到，呢包豬肉紙殺傷力咁大，江記應該要平ｄ俾我，因為我帶左返公司，令到佢地有多四十包進帳～～ＸＤＤＤＤＤＤＤＤＤＤＤＤ