2010年5月21日 - 星期五
-9點機場集合,最後都係各自各check in~
-K區整台証~
-daddy finds早餐~-11點幾機~
-上網買機票個陣可以揀埋食咩餐,見咁新鮮就揀左印度餐,一心以為係食咖哩同薄餅~點知。。。。以後都係穩陣派算~
-去到台灣出到機場都1點幾~咁多人就打的去酒店,原來個收費好怪~如果機場去市中心收費係咪錶+咪錶50%~4個人坐就1千1百幾到~半個鐘到去到酒店~
-今次住just sleep~之前pui同ching住過見幾好就試下~真係唔錯唔錯!乾淨又靚~
三人房:空間勁大~全部人係我地房討論仲得!哈哈~
雙人房:睇左幾間,有大有細~
。有間張床係kingx2 size既床~但可用空間就細d~
。有間係一入去就有張長書枱,房主人十分高興,因為兩部電腦都可以放哂係到~床就係普通雙人床~但可用空間就較大~
雙床房:頭對頭前後床,很特別的設計~中間仲有張沙發~
一入房見咁good就忍唔住影左幾張相先~
大家安頓左行李後就出發了!
原定宜家係自由時間直至晚上7點係餐廳集合~但基本上都係無分別~哈哈~
首先食左野先~太餓了!
我的目標之一:可樂餅~~~
即叫即做~
熱到爆!
我食起司豬肉可樂餅~~中間係起司喔!my love!
出乎意料之外的好食!我下次實要再食!
另外食左阿宗麵線、大大杯野飲。。。。
填飽肚後第一站梗係去搵MY Hon Hon啦!!我相信呢個紙樣公仔會係港女景點之一~
Etude House~真係未用過~不過同事話BBCream好用~但我無買~反而買左其他~~
三個女仔夾埋俾錢,做埋vip,仲送左一大袋禮品同幾個袋~真開心~呵!去左康是美格價Dr。Wu~無我想像中咁平同咁多優惠~
出發去台北車站地下街搵李儀!其實係我話要去~其實出發之前已經訂定<老太陽堂>,再送去我地飯店~但一直話要買食李儀的我誓食李儀的我點都要去李儀~因為李儀的太陽餅太好食了!~~
點知去到佢地試食完李儀之後,佢地都鐘意埋李儀。。!老闆之後食完仲話我做咩介紹佢地訂太陽堂~話我扇佢~因為佢地訂左好多!哈哈!!!
行行下CD鋪仲撞到兩個俾我們早幾天到台灣的同事~真是有緣~
地下街的一些熟食檔~QQ魚皮!食完一舊之後:<老闆!我要一盒!外帶!>
另外仲有好多好好食!尤魚。。大腸。。豆腐。。!
因為李儀太重~所以我地分左兩批~一批繼續行街~一批返酒店放低d野先~
我地住5樓,咁O岩就係餐廳的樓層,真方便~
我地就分兩架的士出發去我目標之一的好記担仔麵!~
好記擔仔麵
電話:2521-5999
住址:台北市吉林路79號
營業時間:11:30~14:00/17:00~03:00
如果要食真係訂定位好d~真係好爆~
佢無餐牌架~係行出黎望住個樣點菜的!讚!邊個樣吸引就點邊樣!
賣擔仔麵起家~宜家日賣幾千碗~我覺得一般~~
叫左好多野食~都影唔哂~
最正最正係呢個!~
上面唔係芝士~係d唔知咩醬再黎去焗~下面個d係露筍?竹筍?
搭的士去美麗華個陣,話呢間係台灣人很喜歡去的海鮮店~有機會試試~
第三次SAY HI~~
士林夜市~~
行到去12點幾就返酒店luuu~~
當我睇睇下電視等沖涼個陣~
呢條友仔無啦啦我叫:婷姐姐~
我:咩事~~
佢:婷姐姐~~幫我<損>腳指!
我:?!?!?!?!我聽錯?
佢:婷姐姐~~你快d幫我損腳指啦!好痕呀!
我:你講多次?!~你叫我幫你損腳指?!~
佢笑笑口:嘻嘻。。係呀~
我即刻對隻腳埋去佢到話:你幫我損完我再幫你損~黎啦黎啦~損啦~~
佢推開話:eee!好dirty呀你!
之後我同佢阿媽講~佢阿媽話未聽過個仔叫佢損~話最多都係卒腳指~我就話你問下你個仔!佢個仔聽到即刻笑笑口走左去第二個姐姐到~哈哈~~