我有胃潰瘍我相信一半原因都係拜工作所賜,因為係公司既胃氣係異常多兼巨響.
表面上我成日都笑笑口好開心,其實只係我有壓力但我無表露出黎.
呢一年半期間,我由一個部門既工作變成要負責三個部門既野,人走左你又唔請,成日搵人攝位...我1個打到10個但打唔到20個呢....好,你唔請我就選擇性OT,拖得既野我就拖,你到時唔好問我點解,我一早講過我做唔到咁多野!
我覺得自己都算係咁啦...有邊樣野唔係如期死出黎俾你...我呢d吃力不討好位...應付上面又要安撫下面...仲要聽咁多是是非非...又有邊個理我感受?脾氣再好都有燥底既時候...
仲有,我唔怕蝕底但唔代表樣樣都要我摟上身,好心你地自己負責既野就有責任心d做好佢,安守本份好難咩?就算fd底都係咁講,唔俾d說話俾d面色你睇我都過唔到自己個關.
呢半年更加連喘息既空間都無,一早返工就忙到收工,收工仲要諗公司d野,呢兩個月更甚.
有時去旅行除左滿足自己既慾望外,就真係想放鬆一下開心一下叉叉電.
所以呢排更加想行開下,好想去日本!但奈何時間&價錢都夾唔到,迫住要放棄,咁岩朋友去上海工幹跟埋去,近近地請1日去3日2夜都好丫,再唔行開下我怕我會發癲,但原來個天唔俾我去日本係有原因架,因為今日又有人遞信喇,我又要頭痛了!>.<
2014年6月2日 星期一
2013。台中&台北。一人遊.Day 3 上午篇
2013年5月31日 (五)
凌晨3點15分接到morning call起身上合歡山睇日出.
3點30分共乘車已經係門口等我,再去埋其他民宿接載乘客,一行約十多人,齊人後就會出發上合歡山,車程約1小時.
沿途司機都會講解亞里山既環境&天氣,又會停下講下有D咩植物值得一睇.
上合歡山條路又係好恐怖,一架車咁闊既路,又多彎位,司機真係少d技術都唔得,架車愈向上爬就開始feel到愈凍,上到中段已經得返9度,上到頂點應該得返4,5度,本身著左外套帶埋頸巾都唔夠,好彩車上有提供禦寒衣物.
好彩今日天氣好好!司機話今日睇日出無難度XD
2014年4月18日 星期五
2013。台中&台北。一人遊.Day 2
2013年5月30日 (四)
約左10:45-11:00am坐E-GO共乘車上清境,好休閒咁慢慢食完早餐再上房等司機黎接.
E-GO係個名,共乘車既意思就係夾埋幾個人一齊坐私家車去清境,司機會去埋飯店接你,送到去你民宿門口,點到點,好方便
2014年3月31日 星期一
2013。台中&台北。一人遊.Day 1
香港去台中 : 2013-05-29 (三) 12:15 - 13:55
台北返香港 : 2013-06-02 (日) 20:05 - 21:50
台中留1晚,清境留2晚,台北留1晚,5日4夜.
原本應該係早一個星期出發,但係出發前幾日竟然遇著世紀大豪雨,一落雨我清境真係邊到都唔洗去,何況如果大雨上清境幾危險,好彩民宿老闆都體諒俾我推遲,但只可以改期一次,而兩間酒店亦俾我改期,機票改期都無問題.
2013年5月29日 (三)
輕輕鬆鬆係翠華食完個奶油豬就等上機.
2013。台中&台北。一人遊.序
一直都好想試下自己去旅行.
一個人唔洗顧慮伙伴的感受.
一個人鐘意去邊就去邊,鐘意食咩就食咩, 鍾意做咩就做咩,一個人享受只屬於自己既自由時間.
我希望透過今次既旅行,靜靜去思考咩係岩咩係錯,我要點取得平衡,諗下我下一步應該點行.
充滿負能量之際,真係好想行開下放鬆下,亦說服到一路反對既父母,就這樣子,出發了!!
一個人唔洗顧慮伙伴的感受.
一個人鐘意去邊就去邊,鐘意食咩就食咩, 鍾意做咩就做咩,一個人享受只屬於自己既自由時間.
我希望透過今次既旅行,靜靜去思考咩係岩咩係錯,我要點取得平衡,諗下我下一步應該點行.
充滿負能量之際,真係好想行開下放鬆下,亦說服到一路反對既父母,就這樣子,出發了!!
2014年2月5日 星期三
2013。首爾&大阪。Day 6
2013年1月13日(日)
今日係遊覽大阪的日子.
一早就去大阪城.
我係第二次黎呢到,最有印象就係大阪城下一粒粒好大舊既石,因為個陣導遊介紹呢D大石講左好耐好耐......
2014年1月19日 星期日
2014年1月13日 星期一
訂閱：
文章 (Atom)