人地話韓國係一樣連貫性既野，我起初都唔信，但經過呢一年後，我信喇！！
上年年尾一套＂祕密花園＂，令到我公司陷入＂玄彬效應＂，就連平時係唔會睇劇既人都睇埋一份，真係神奇！
因為ｕｔｕｂｅ 睇祕密花園既花絮，意外地發現一套綜藝節目叫＂我們結婚了＂，認識了＂紅薯夫婦＂。
紅薯夫婦係ＣＮＢｌｕｅ既鄭容和（原來是美男中的新禹）同少女時代既徐賢係節目入面假結婚。
由陌生的路人慢慢變為對自己重要的人，由尷尬既關係變為玩拉鋸戰的關係，細水長流的愛情，
我喜歡。
因為容和而認識了ｂａｎｄ團ＣＮＢｌｕｅ，我既音樂清單上從此多了ｋｐｏｐ呢樣野。
因為＂我們結婚了＂，認識了傳說中既＂阿當夫婦＂，雖然係假結婚，但非常受人喜愛，成了國民ｃｐ。
佢地既愛情永遠充滿歡樂爆笑聲，令到旁人好自然流出媽媽的微笑，瘋權與佳仁，這世界上應該再也找不到如此合拍的人了！
因為趙權而認識了２ＡＭ，意思既係深夜時份你就會想起佢地既歌，專唱深情歌，靚聲組合。
因為容和做嘉賓，認識了ｒｕｎｎｉｎｇ ｍａｎ，從而開始我既韓國綜藝節目！！
ｒｕｎｎｉｎｇ ｍａｎ 真係好好好好好笑！！真係睇到我好開心！！
主持人們會分隊進行遊戲比賽，玩既內容包括心理戰、推理戰、判斷戰，並唔係一般鬥快就勝到既節目。
但最重要係一班主持人，好識攪氣氛好識攪笑，就連後期製作都做得好好，配音字幕剪片都係好笑既原因之一！
好多人都會覺得會有幾好笑，我明既，想當初我都係過來人都曾經咁認為過，但當你接觸左韓國既綜藝節目，你會發現真係好笑好多！
因為ｒｕｎｎｉｎｇ ｍａｎ而認識了國民ｍｃ＂劉在石＂大叔（右三）！我諗韓國應該無咩人唔識佢～
宜家追緊個套叫＂家族誕生＂，係已完結了的一套綜藝節目。
主持人們會去到鄉下農村幫ｄ公公婆婆看屋，等佢地有兩日一夜既時間去享受平時不能去的旅行，而佢地就會幫公公婆婆工作做農村事情，引發左好多爆笑事件！
主持人們都因為拍呢套野，表露出最真既一面，過程中需要互相幫忙互相合作，好似變成真正既一家人咁！
睇左ｉｓｓａ勁推薦有在石大叔主持既＂無限挑戰＂，又因為咁而認識了＂Ｂｉｇ Ｂａｎｇ＂！
節目中既佢地好好笑，加上又有家族誕生既大成，我就ｓｅａｃｈ佢地上過既一ｄ綜藝節目。
睇完＂每天每夜＂之後，我喜歡上＂ＴＯＰ＂了！
外號蚕室絕色美男既佢。
但內裡其實是名呆子、喜歡攪笑、喜歡欺負弟弟、是一名虛有其表既怕醜仔！
講起Ｂｉｇ Ｂａｎｇ，不得不提起一名人物。
佢係韓國第一個不到２０歲當選韓國十大作曲家，
佢係美國ｃｎｎ＂首爾好５０個理由＂之一，
佢係世界公認的既ｆａｓｈｉｏｎ ｓｔａｒ，
佢同ＴＯＰ係公認的韓國ｒａｐｐｅｒ ｎｕｍｂｅｒ １，
佢係韓國歌曲版權費收入第一！
佢就係Ｂｉｇ Ｂａｎｇ隊長，Ｇ－Ｄｒａｇｏｎ，權志龍。
暫時我去到Ｂｉｇ Ｂａｎｇ呢到就停左。
過去既一年，對韓國了解深左認識多左，好多野表面好似好風光，但好多內裡都好慘！
雖然係咁，但我對於韓國仍非常有興趣！透過電視節目看過的風景、食物、地方，我通通都想去想試想食！
所以定了，下一個旅行目標＂韓國＂！哈哈！
