2012。首爾。Day 3

土俗村人蔘雞湯 - 景福宮站2號出口步行五分鐘,第二個路口左轉~

聽聞土俗村一晏少少就會好多人,所以未夠12點就去到,當早+午餐~

雖然去到唔洗等位,但入面已經好多人~

韓國每間餐廳可選擇的款式唔多,通常個餐牌一眼望哂~

走個陣拎埋個牌去俾錢就得~

想食幾多就有幾多~

原隻雞,個湯真係好好味!!飲左勁多~~

我朋友就覺得無咩蔘味,可能我本身唔食人蔘,所以就覺得很OK,哈哈!!

如果覺得唔夠蔘味,可以將跟雞湯一齊既蔘酒倒埋入個湯到~~

扒開隻雞就會見到條人蔘同埋飯,d飯有雞味又有少少蔘味好好吃喔~~~

差唔多將成隻雞給滅了就飽飽地離開,走個陣出面就開始有人排隊~~

雖然今餐係好食,但對於曾經腰傷過我黎講,右腳血液循環得唔係咁好,坐地下好快就腳痺,就算不斷轉姿勢都好快痺,所以食得唔係咁舒服~

行去景福宮既途中,見到青瓦台,同事講過導遊話要同後面座山影相,會為人帶黎好運~

但我地太懶,遠距離合照就繼續行去景福宮lu~~附近明顯多左警察巡邏,對出入青瓦台既車&人都會作簡單既調查~

去到剛剛好睇到整點交更~~

後面就係光化門廣場,李舜臣將軍,世宗大王故事館~~

PS : 我勁後悔個日朝早無帶冷帽,吹到我頭都痛埋..

加埋等地鐵既時間而又係隔離一個站,所以我地選擇行去安國站既仁寺洞~

對仁寺洞有少少失望,好遊客價,又唔係特別多野行~

Ssamziegil~

係入口處小檔買左生薑蜂蜜茶同柚子蜂蜜茶~

Ssamziegil係個特色商場,感覺似係中學改建而成,賣既野都較為藝術~

行去鐘路三街站既途中,發現Isaac~~

阿豬媽會用牛酒塗係鐵板上面再放麵包,整出黎就好似我地去BBQ既燒麵包咁個皮脆脆地~

又係有個外國人主動幫我地影,真好!!!

我食牛肉+蛋+芝士,入面仲有個醬汁,加埋脆脆的麵包真係好好食!!!宜家諗返起就好想再食!!~

返返明洞去樂天百貨買雪花秀~~去埋隔離個星光大道~~

張根碩~

玄彬~~~

Big Bang~~~~

返酒店小休一下順便Tea一下~~

魚糕 - 有點兒腥...
魚餅 - 好食!!外脆內紅豆!!

Sorry i'm a bad boyyyy~~

夜晚帶返頂冷帽出發!!!

三層肉.COM

惠化站4號出口順著走,第一條巷子左轉,右手邊第一家.

網友果然無介紹錯,食到我"插插聲"口感一流,正正正正正!!!

叫左一份五花肉,一份千層肉,但燒燒下已經唔知咩肉打咩肉了~

I will come back,too!!!

夜晚愈落愈大雨....真不喜歡!!

惠化站其實未行哂架,下次有機會會再返黎!!

夜晚就行東大門,首先行左Doota,貴價商場,零收穫~

轉行Hello APM,一入就睇中野,買左件綠色針織外套~

一著上身鋪頭個阿豬媽就七情上面表情勁誇張係咁讚我著得好睇,但事實我係幾鐘意既~~

但58000 won($411)太貴,就開始同阿豬媽講價,我同阿豬媽鬥表情誇張話好貴我無咁多錢,佢就話已經減到最平,我個fd就係側邊勁笑~

最後減到去45000 won($319),如果係香港未必會買,但見個阿豬媽又好好笑,同埋d料摸上去好似都唔錯~

Hello APM有好多層,頭兩三層係賣女裝,再上有兩層係男裝,最頂就係賣袋賣飾物(但好似羅湖商業城,打個轉就閃了!)

另外仲買左兩件西裝褸,同款唔同色,掙扎左好耐!!!好似好白痴咁,但兩個色都好鐘意,取捨唔到...唉!!算啦!!買埋啦!!如果唔係一陣後悔!!

而朋友就係同一間都買左三件褸,我地都無諗過會買到衫,太多鋪頭,間間d款又差唔多,好似係到淘緊寶咁~真係要慢慢行~

返到去酒店擺低d野又再落7-11掃宵夜~~

2012。首爾。Day 2

原本教左鬧鐘今日十點起身,但醒目的我忘記了我部醒目的iphone唔識自己調世界時間,所以今日係韓國時間十一點起身!

行去全州既途中見到FUBU,見到FUBU就自然會見到Top架喇,hahaha!!

不過無入到去FUBU睇,係出面影完相就速逃了!

小巷中的全州中央會館~

豬肉石頭鍋飯(下)-10000won(約$70)
鮮牛石頭鍋飯(上,牛就係你見到紅色既份量)-20000won(約$140)

牛比豬貴一倍的價錢,份量基本上是一樣的!都很少!!
真係遊客價呢!今餐相比下算係貴價架喇~

味道唔係真係話咁好食,個人覺得一般,我下次要發掘下好食既石頭鍋飯!!

原定行程 : 梨大-新村-弘大
最後行程 : 梨大-新村-明洞

梨大同新村好好行,真係可以行足一整日,賣既野又好o岩我地,很喜歡!!

一出地鐵站就見到很日本風的街道~

右手邊已經係多間化妝品店~當然不能放過!

梨花女子大學~

梨大地標 - 高跟鞋~

我幾鐘意行Kosney,有鞋,衣服,飾物,袋,文具,護膚品,家品.....等等,賣既野都較為年青~明洞都有分店~

雞蛋蛋糕~~

se7en,七哥的辣雞店~

沿著梨大行就會行到去新村,途中都會有好多鋪頭,望下行下咁就到~

行到肚餓所以早d食晚飯,又唔洗咁多人~~

新村燒海鮮~~

咁o岩又播緊running man!!但我唔睇住!!我要等中字,宜家睇左遲d再睇就無咁好笑架喇~~

海鮮真係好新鮮!!~

炒年糕實在太辣太辣喇...食左一塊我已經要放棄喇~~

海鮮會用鹽、辣、芝士、牛油作調味料~

芝士 + 新鮮 = 正!!!!

鹽焗大蝦,個哥哥仔無啦啦係我地面前數有幾多隻,原來多左3隻,話係special service!

豆腐泡菜湯又係送的~

..

應該係俾白飯更加健康既咩穀咩穀飯(純粹估),我覺得有似黑紫糯米飯,但都好好食!!

I will come back ga!!!!

由於買得太多野同落雨,時候又不早,去唔成弘大~~就返酒店放底戰利品小休一下再落明洞行~~

除左最後橙色個袋,其他都係今日既戰利品,差唔多間間化妝品店都買齊喇~哈哈~

是日甜品!!Krispy Kreme甜甜圈!!!