2013年1月12日(六)
一出站沿著人流行就岩架喇,多數都係行去同一個方向.
海遊館
天保山Market Place
我地去到天保山首先係霸返個靚位同企鵝近隔離接觸,海遊館外面有個地方俾企鵝出巡,一日兩至三場,免費的!企鵝會由中間行過,兩旁就係觀眾.如果企鵝行出指定範圍,工作人員就會用腳係後面輕輕推佢返埋去.
基本上企鵝一出場,日本人係咁"卡娃伊!!卡娃伊!!"而我香港人就係"好得意!!好得意!!"
企鵝肥肥得得,傻傻更更,左搖右擺咁行路,確實係幾得意既!
之後就去海遊館既隔離睇One Piece展!
其實個展係我意料之外,係決定左日韓遊後發現到咁岩撞正又係大阪攪緊既One Piece展,個陣真係好興奮架!!仲心諗咁好彩!!全國巡迴都可以撞到呢段時間係大阪!!太好喇!!
但可惜.........意料之外既意外......我無預計會發生既野...就係所有門票已售罄....
嗚嗚嗚嗚嗚!!!!!!!!!!!!!!!!!!!!!!!!!!!!!
其實尋晚已經特登去7-11諗住早d買飛,但去到已經過左12點am,由於7-11只接受早一日或之前既預購,所以唯有去到會場先買.
都岩既,日本係動漫王國,男女老幼都鐘意,動漫可以話係日本既其中一個文化,我自己都係睇日本既漫畫睇到大,日本又會致力推廣動漫既活動,多人鐘意多人去係正常既...售罄都係正常既...但對於唔係日本既我當然會失望啦!!!>.<
入唔到展覽但仲可以入到去精品店望下既.
好大隻功夫海牛喔~~~~~
一見到就好想買!!但冷靜諗落黎其實都只係一個饅頭只係sunny形狀咁解,仲要成$50港幣wor!!真係唔捨得!!
行完就去左Market Place既浪花美食橫丁醫肚.
以舊日本為主題既一條美食街.
去左傳說中話好好食蛋包飯既北極星.
其實我有諗過食茄汁既蛋包飯,因為好似傳統d ma,但一見到咖哩汁又好惹味咁wor!
嘩...果然傳說中真係傳說中...d蛋好滑...蛋包完全唔厚...勁在唔厚都唔會穿...咖哩汁又香又好味...撈埋蛋包飯一齊真係好好食呀!!!!!
同企鵝腳印排隊買飛入海遊館.
世界上最大型既室內海遊館!
入場luuuuu~
海瀨
訓得很爽既海豹.
原來企鵝係有訓教時間架,一到時間就會熄燈.
呢條係遊得好快既海豚!
入面仲有好多好多唔同既海洋生物.
自己幫自己打燈!XDDD
索性開閃光燈!XDDD
雖然我身處大阪,但我仍念掛鷺梁津既龍蝦!!>.<
下一站 - 梅田
梅田Jump Shop潮聖,但零收穫!
仲去左Yodobashi同Hep Five Shopping!
日本既商場好早就收,9點到就會開始宣佈關門,所以我地爭取時間shopping,行完街先食飯!
其實住道頓堀附近真係幾好,又多野食,係第二到行完街先返黎食都未遲.
今晚我地就揀左一間叫神座既拉麵.
宜家日本好多餐牌都會有埋漢字,所以唔洗怕唔識睇.
決定食物後就係售票機到買食物劵再換取食物.
令我諗返起細個第一次去日本,有次又係去食拉麵,個時d餐牌仲未有漢字,售票機上又無食物圖案,想指俾人地睇食咩都唔得,真係求其亂按,幸好出到黎都係一碗正常既拉麵!^^
我食蔥花叉燒拉麵,又係好好食呀!湯底好正呀!
其實當夜晚返到去道頓堀個陣已經留意到有好多VIP,衣著係Big Bang style,拎住皇冠燈,咩住Big Bang環保袋....佢地係睇完演唱會後黎食野,一望到一個個VIP個心就一次次失落,但又唔係後悔既,始終今次係大阪既時間少,一年之內又已經睇左佢地兩次演唱會,只係硬係個心怪怪的!
神座拉麵好細的,食野都係一排打橫坐,坐低個陣就已經望到隔離係VIP,仲掛住左韓文字既"李勝賢"既牌,我都好掛住我個"崔勝賢"喔!
原來根碩都有食過神座,不過就係新宿店.
沒有留言:
張貼留言