同上次一樣,收工就返屋企拎行李去機場.
00:55 起飛
00:40 登機
好笑既事就此發生....
當我地去完洗手間剛好00:40,擴播就宣佈我地班機係"最後召集,請於30秒內登機!"
無野呀?!!唔係00:40先登機咩?!!30秒內登機,玩咩?!!我地就立即奔向登機!!真係第一次要跑去登機...
仲有就係聽到地勤姐姐爆粗..!
話說有個韓國男仔係要登機但唔知做咩遲遲都仲未入去,地勤姐姐就用甜美既笑容講左句"做嘜X野仲唔上機呀..?!"
XDDDDD
好多人會諗搭巴士定地鐵好,各有各好,睇你所需!
巴士 - 舒服d,一出機場就有,分分鐘仲停埋係酒店門口,但時間難控制d,有機會會塞車
地鐵 - 辛苦d,要拉住o急行黎行去,但平d,時間控制到
而今次我地去同走都揀左搭地鐵,每人省左$115,共省左$230,食到一餐飯架!
由機場要行一段路先會到機鐵站.
你話遠唔遠我又覺得ok,辛唔辛苦我又唔覺辛苦,一來行李唔重,二來都係直路.
會有分特快車同普通車.而我地係坐左普通車.
同傳聞一樣無咩人搭,哈哈.
一出地鐵站接觸到起碼負緊10度既空氣時....
我同小琪既各種"WOO!!....呼!!.....呀!!....嘩!!....o也!!..."都出哂黎,呢幾粒詞係韓國之旅經常性地出現,因為真係寒得好緊要呀!!!!!!!
去到Toyoko inn 登記做會員,俾埋錢,放低行李
大堂會有電腦可以上網.
接待處對出就係食早餐既地方.
攪掂之後就出發去"往十里"站,目的地係Enter 6樓上既Four Season汗蒸幕~
往十里站12號出口一出就係Enter 6,再搭電梯上5樓,一出就係戲院~以咁早既鐘數黎講,算係好多人睇戲!
發現哈哈配音既動畫!
見到我家既BIG BANG!!一黎到韓國就可以見到佢地,真開心!!
仲要有TOP既佈景板,梗係埋去合照啦,嘻嘻!!
有部小電視播G-Market既廣告,見到GD個樣咁cute,都忍唔住要影埋落黎,haha!!
去到5樓出門口係停車場隔離就係Four Season喇~
點解會黎呢間汗蒸幕係因為往十里站有埋E-Mart,咁我地就可以訓一陣再去行超市!
Four Seaso係有汗蒸幕同娛樂游泳池,不過係兩樣野黎要分開入場.
汗蒸幕入面唔算好大,一層係放儲物櫃&沖涼既地方,一層係大廳.
女性睡眠區係一大格既上下格床,上/下面各一齊訓3個人~
一間房得兩張大床,最多訓12個人,好彩我地去到仲有位,但間房係一d燈光都無,幾驚會踏到人!
最 大問題係我同朋友竟然覺得好凍(佢無Silloam咁好連被都有埋~)!!係凍到醒左要落去拎幾條毛巾蓋住訓先無咁凍咋..但整體黎講我都唔覺暖,上次去 silloam係覺得好暖,訓得好舒服,不過雖然話呢到呢樣又個樣,但最後我地都俾預算時間訓多左半個鐘,haha!!!~
12點半到就開始行E-Mart,係行得舒服d,因為無咁多人又唔洗同人迫,不過總覺得款無咁多..唔洗一個鐘就已經行完~
我地離開Enter 6,穿過橫街小巷,附近都有好多食店不過未開.
到達本粥~
終於可以一嘗韓國既粥~~~~
不過...最想食既芝士蟹肉粥...無..可能只係無芝士呢...咁蟹肉粥啦...都無......嗚!>.<
最後叫左海鮮粥同紅豆粥~兩個都好好味!~
韓國同香港既粥好唔同,韓國d粥好綿同埋我覺得入味好多~
海鮮粥味道較濃,好足料,蝦,鮑魚,八爪魚,蠔仔,帶子...等等,一路話飽但會繼續一路食,haha!!
至於紅豆粥就好特別,係傑d,但又未去到糊狀,好有紅豆味,但一d都唔甜!!你唔會覺得漏,只會覺得好快飽,因為紅豆粥入面仲加左一粒粒既小年糕,間唔中有野咬下,又夠軟熟~
訓夠,食飽就出發!!
下一站,南山塔!!
4號出口沿住大馬路直行,係十字馬路口轉左一直行就會到電梯處.
搭完電梯就會到達纜車站.
來回纜車 - 8000won(HK$59)
搭完纜車係仲未到架.
仲要行多一小段山路先到,d梯級好高,feel到有d累~
上次因為落雨又大霧所以無黎到,今次補返!
We are HERE!
我地無上到去觀光塔,影完相就去Teddy Bear Museum.
Museum 利用熊熊去介紹返成個韓國既歷史與現代.
內部唔post相喇,就係熊熊熊熊熊......送上成個Museum我最喜歡既一隻,hahahaha!!~
Psy x Bear Style~~~~~~~
見到呢張相令我諗起一樣野,可能係極寒既天氣下產生左靜電,d頭髮係咁飛起痴住塊面攪到勁痕!
同埋因為太乾既關係,個身好痕係咁R,R到損哂...右手又要用電話同影相而成日除手套,凍到裂紋出哂黎,返到黎香港勁查野先好返,但唔知點解身R損既地方到宜家都仲有印係到..!!>.<
八角亭,對有睇Running Man既親故唔陌生啦!^^
仲有絲草買咖啡俾俊表既地方~
之後就搭返纜車落去,行埋會賢地下街~
先去大使館兌錢.136.就開始行明洞
買唔到根碩月歷俾朋友,應該話係因為個月歷唔靚而買唔落手!上年買到個個連唔係fans既我都覺得靚~至於BIG BANG既月歷連影都唔見有..
原先唔諗住係明洞買化妝護膚品,覺得係遊客區服務無咁好同埋贈品少好多.
但當行到去Etude House,見到目標之一既Collagen Moistfull買十送十就自自然然行左入去...仲放低埋銀兩!女人嘛...你們明白的!
發現小琪喜歡的LINE公仔!
點少得我喜歡的TOP!!
行到去咁上下就去食飯~~
去左好多網友話好食又便宜既意大利餐廳 - Reimini.
坐左係窗口位,一望出對面就係BSX,就會見到大大個GD!我幾鐘意佢BSX個輯相,好正!
我地叫左個2 Due set,有一杯野飲,一個芝士pizza同一個意粉.
Menu選擇唔多.
二人份量既藍梅汁+汽水+冰,好好飲!!飲左勁多~
Pizza好有芝士味但一d都唔漏,配上側邊既蜜糖,意外地竟然好match!!好特別!!~Pizza上仲有杏仁片增加左口感~
個意粉就一般般.看似係蓄茄汁,但食食下其實係有d辣.
呢個Set 24900won,都係HK$183咋!!每人$100都唔洗!!好抵!!係香港食個Pizza Hut同意粉屋都唔止~
11點鬆就返到酒店lu~
沖完涼,拾好野,就開始我最喜愛既辣八爪魚做夜宵了!
!入面仲有d類似魚翅既物體~我係係樂天百貨下面既樂天超市買,賣個個阿豬媽原來係上海人,佢話大家都係同鄉,所以就用左個平價錢出單,但俾我既係貴d既貨,haha!!
同埋係9樓既免稅店買化妝品用白金卡可以有折,所以係個到都買左小小野!買完個陣百貨公司就close,見到d人係以神速去拾場,快到呢..佩服!!
沒有留言:
張貼留言