大阪行程 - 由朋友小琪日本迷負責
其實咁樣都幾好,當你對你喜歡既國家已有一定既認識,搵資料上黎會方便d容易理解d.
同埋我地好似對方既導遊咁,朋友未去過韓國,我就會沿途講解韓國既生活,人,事..等等.
到我去到日本,朋友就會話返俾我聽日本既資訊,呢到係邊到邊到,會有d咩野咩野..等等.
機票 :
香港 - 仁川 : 2013-01-08 00:55 AM
金浦 - 關西 : 2013-01-11 12:40 PM
關西 - 香港 : 2013-01-14 06:25 PM
今次係用飛行里數去兌換,可以飛首爾+大阪,機票唔洗錢,而兩個地方加埋既燃油附加費係$1356~
同樣既積分可以去兩個唔同地方既國家,我認為係好抵既事!!起碼唔洗俾多程機票錢先~
但仍會令你煩惱既事,例如:
去兩個國家你需要有大量既資金...錢平時都儲唔多個,何來大量既資金呢?!去兩個國家你需要有充足既大假...小妹公司福利麻麻,做左5年得10日假,新年放假仲要迫住扣,如果我要衝出亞洲,豈不是要一年唔放假儲定?!
去兩個國家你需要有容量大既o急...去一個國家已經超哂重,何況兩個國家?!
而我既解決辦法係:
現金+碌卡,唔洗一次過俾哂,至少碌卡可以下個月找數~同埋一陣講碌卡既好處~
我共去7日6夜,3晚首爾,3晚大阪,行程係會密d,但如果係去必去既地方都ok,係無得hea行姐~
呢個方法真係無得解決..真係靠忍手,係韓國我會買d連gmarket都買唔到既野,所以野食既手信我係韓國一d都無買,就連化妝品都係因應需要先買,唔會好似之前咁咩都買,mask都淨係買一款!
酒店 :
韓國酒店 - Toyoko Inn
http://www.toyoko-inn.com/c_hotel/00208/index.html
位於東大門歷史公園站.4號出口一出就係
但有樣野要留意就係4號出口只有傳說中既"天國的階梯"可行上地面.
如果你拎住行李既話可以係3號出口出,行幾層樓梯就有條電梯,舒服好多!
三晚雙床房,做左會員後即時有Discount,每人每晚$364一晚,包早餐.
由於價錢便宜,位置方便,所以房間好搶手,手續亦好方便,網上可以即時check到有無位.去到先俾錢.
而我入住個幾晚原本淨係得返雙人床A,係較細既一間房,之後我就時不時check下有無其他大d房放出黎,結果真係有!就即刻打電話過去叫職員幫我轉房!

雖然我唔介意訓雙人床,但如果價錢唔係差太遠我會選擇訓雙床,始終舒服d同埋地方大d~
唔好諗住望落去咁既色好似殘殘舊舊咁,其實好整齊乾淨,房內基本設施都有,Wifi,拖鞋,風筒,熱水壺,電視,雪櫃,夾萬....等等
大阪酒店 - Monterey Grasmere Osaka

上agoda訂,個陣做緊特價,每人每晚$558,唔包早餐
位於難波,附近有JR難波站,亦有近鐵同地下鐵幾條線,又有地下街,行過幾條街就已經到心齌橋,非常方便!
關西機場有機場巴士搭去難波,到達OCAT總站後,下一層到1樓,唔知邊個出口一出(哈哈哈哈哈)右手邊就係酒店.
一入去就覺得光線柔和,成個感覺都好舒服.
右手邊就係洗手間.

一大張雙人床,好舒服,勁鐘意!!
右手邊有張書枱,書枱下面兩邊都各有一個櫃,右手邊係放茶具,左手邊就係雪櫃.
左手邊有個衣櫃,有張小沙發同小枱,不過張枱俾我地移走落去電視枱下面,為左可以放平兩個o急.
洗費(不計機票稅同酒店錢) :
韓國 - 現金$2000(兌136) + 碌卡(兌136-137)
日本 - 現金$3000 (兌8.9) + 碌卡(兌8.8)
基本上現金都係用於食同車費同買小東西
買野基本上都係用銀聯碌卡,最主要銀聯唔洗收手續費而我又可以儲到分,加上碌卡既匯率通常都係好dd,但都唔係間間銀行既銀聯都唔洗收手續費,我就係用中銀同交通,兩間都係免收.
原先我係兌左$5000去日本,起初以為百貨公司先有得碌銀聯,點知原來好多地方都得!最後餘左22000yen,但日元跌得太勁,我如果宜家兌返港幣我蝕左成舊水,所以我都係留返下次去日本用,感覺無咁蝕!
總結 :
基本上對成個旅程都好滿意!
係韓國食到勁正既安國年糕鍋..新鮮既龍蝦刺身..美味甜品..又去到我想去既壁畫路(下次有機會想去弘濟),又買到我既Dream Wallet!仲有我絕對不會忘記個幾日係有幾寒!
係日本可以近距離睇到企鵝,又去到奈良親手餵到頑皮的鹿,又去到歷史悠久既京都,又見識到何謂瘋狂大特價!
只係遺憾於...
睇唔到One Piece展!!同埋點解大阪咁少史迪仔既野呀!!!
同
.
.
.
.
.
與我一步之差既TOP呀!!!!!

沒有留言:
張貼留言