2013。首爾&大阪。Day 4

2013年1月11日(五)

 

 
本身Toyoko Inn係包早餐,但難得去到外國當然想食多d唔同既野啦,所以我地係沒有行程既最後一日第一次食左酒店既早餐.

材料好簡單,沙津,泡菜,飯團,腸仔,湯,多士........等等,不過不失,係個飯團幾好味! 

食完早餐就拖住行李去搭地鐵出發去金浦機場.

Bye Bye Big Bang!!唔知幾時再可以去韓國見你地!!>.<

二人旅行係少d合照,所以有空時就要影返夠本!

金浦機場附近係有間大型既樂天購物商場,而我地離開個日就係正正韓國針對遊客既第一日Grand Sale,所以我都有plan上機前去樂天血拼一返,但可惜d shop都around開10點30分,真係唔夠時間去!

唔夠時間血拼但仲有時間可以食雪糕,hehe!!

 

我lam左幾下後成個波滾左落地,好彩阿豬媽好人仕整返個新既俾我咋.

 Woo Woo!!!出發lu!!!

 

我地係坐日航既細機去大阪,2.3坐位,d位真係幾迫下,我懷疑仲細過上次坐Air Asia去布吉架細機. 

成日都覺得日本d野係精美過人,連飛機餐個索袋都靚過人,仲可以留返黎用!

本身對飛機餐真係無任何期待,但今次竟然...壽司好味,甜品好味...!!果然係日本,品質實唔會差得去邊!!

 

其實飛左好耐都仲係韓國上空,望見周圍都係高山.

又要離開韓國喇,呢幾日過既時間就好似去左一日咁,仲有好多地方想去好多野想食!

今次真係過左一個極寒之旅,每日around負8-9度,好彩係出發前買左件羽絨,如果唔係都唔知點死,我都未試過著住條牛仔褲竟然會覺得唔夠暖俾風吹到凍!!

雖然冬天去旅行係麻煩d,要帶多d野,但我都會再選擇冬天去韓國,因為下次我要滑雪!!!^O^

 下午2時33分我地已經到達大阪既關西機場.

 係機場要拎返本介紹書望下.

我地第一站會去機場附近既Rinku Premium Outlet,所以係機場寄存左行李先.

我地買左南海空港來(1360yen)回(900yen)Outlet同機場連Coupon(1000yen)既電車飛.

呢個就係Kansai Thru Pass 2Day Pass,可以兩日內任搭關西既地鐵,私鐵同巴士.

日本好好天,天氣都無韓國咁凍.

Rinku Premium Outlet,入面好大,好多牌子,記得去之前去左Information個到拎書仔,入面會有Coupon.

行到累就去7-11買野飲,仲有得坐,真好!

話說7點幾開始返機場拎行李出返去市區,拎完行李準備由2/F落去地下搭巴士啦,忽然聽到一輪尖叫聲,小琪突然話"係咪Big Bang呀???"

OMG!!!!!去旅行去到懵左呀!!!!!咁重要既日子我竟然唔記得左呀!!!!由出發前成日係到幻想會唔會今日係機場撞到佢地既日子我竟然真係唔記得左呀!!!!!

一望落去,就見到VIP跟著唔知邊個一路叫一路行出左去機場.

多謝小琪既體諒,我放低哂行李俾佢就衝左落去,個陣真係要用"六神無主"黎形容,個腦好似諗唔到野咁,點落去樓下呢?!樓梯係邊呀?!電梯係邊呀?!大堂係邊呀?!

落到去大堂見到VIP聚集哂係到等人出黎,於是我就問VIP :

我 : BIG BANG?

櫻花妹子 : YES!

我 : OMG!!!Where is TOP???!!

櫻花妹子 : Just leave! (佢地齊齊指住個門口)

O!!M!!!G!!!原來頭先我係二樓望落黎行緊出機場個個係TOP同太陽呀!!嗚嗚嗚嗚嗚!!!勁失望呀!!!>.<!!!!

櫻花妹子見我咁失望就安慰我話"Die jor good"GD仲係入面未出黎,嗚嗚嗚嗚嗚,都好丫,同TOP無緣都起碼見到GD.

但等左一陣之後仲未出黎,保安就趕人走,而我都唔想阻我地既行程,夠鐘時就上車出返市區.

上到車都不願意拋棄我的不甘心,直至車開走我先將視線移開.......

但沿途我個心都係機埸到....如果我早少少..早少少既話就會見到TOP!!完全係個遺憾呀!!

先去酒店放低行李就出去醫肚.

道頓堀夜晚十點都仲好旺,隨處都見到大型食肆招牌.

我地去左食大阪燒,叫左一個大蝦加炒麵底,另一個係豚肉加蔥既大阪燒,原來加左蔥係好好味架!!!我下次食都一定要加蔥呀!!!

食飽就去行大阪既激安殿堂,仲買左d手信.

大阪指定動作.XD

 One Piece展喔!!!!期待!!!!

早返酒店唔係我地既style,又搵到間24小時既supermarket,仲唔入去逛下咩!!!

最終行到1點幾先返酒店,大滿足!哈哈!