鋼牙妹。第一個月

轉眼間就箍左牙一個月喇.

10月5日箍左上顎先,因為下顎d牙太迫所以要整橡根隔鬆d牙等第時擺到套落大牙到.


 









我係朝早箍,晏畫仲食到野,其實係唔痛,只係唔係好慣,食野要慢慢咁食,無咩特別,種感覺似哨牙,有舊野頂住咁.

但箍左大半日之後,我要改口,個晚我去左BBQ,我係feel到把口好累好酸軟,我咬野係完全無咩力,我連食塊麵包都要慢慢用手撕慢慢食,個晚我好記得,我淨係食左1塊多少少既麵包同2粒食唔哂既芝士丸同1條腸仔.

之後諗返姑娘同我講過話佢覺得整橡根隔鬆d牙係仲辛苦過箍牙,我終於理解到,整完橡根既頭一個星期無論刷牙同咬野都係"極度酸軟"!!所以都係食粉麵,流質既野多.

箍牙既初期因為牙齒酸軟唔會點撐得開大個口,另外鋼粒既關係會有少少磨傷牙肉,但傷左之後生返出黎既肉會厚d所以唔會再損,忍下就無事.

兩個星期後,就箍埋下顎,因為我訓教有磨牙,所以醫生係我大牙上加左少少物料墊高左等我唔好磨得咁勁.

上下顎都箍埋其實係會比以前更加兜,因為咬合唔齊基本上唔係點撕開到野,所以我宜家都有隨身帶著兒童剪刀方便我剪開食物容易食d,而食量都會比以前少左,因為食野要慢慢咁食,有時又嫌麻煩唔想食,有時逐少逐少咁慢慢食食到無癮好快又唔想食,連零食都極少食,薯片.餅乾...等既硬物唔係點食到,只係間唔中先食幾粒糖,所以幫我自動減肥,由mock牙到宜家我諗一個半月到輕左3kg,哈哈哈哈哈!!果然箍牙係包埋減肥呀下!!XDDDDD

至於清潔就比以前麻煩,要用牙線,開頭都有用,但近呢一個星期,發覺d牙比以前開左,牙與牙之間開始有空位(以前係貼到無位),我就轉用左牙縫刷同刀形既牙線刷,雖然要用兩樣野,但我覺得會容易過用牙線.

上星期覆診完,醫生話四個星期後就會再幫我帶埋橡根,d人話帶橡根先最辛苦,不過我唔怕,因為我抱住一個心態,仲好,幫我繼續減肥!!嘩哈哈哈哈哈!!^^