2013。首爾&大阪。Day 6

2013年1月13日(日)

今日係遊覽大阪的日子.

一早就去大阪城.

我係第二次黎呢到,最有印象就係大阪城下一粒粒好大舊既石,因為個陣導遊介紹呢D大石講左好耐好耐...... 

係大阪城下享用我地既小丸子早餐.

轉乘巴士去京都近郊既世界遺產 - 金閣寺.

Kansai Thru Pass 2Day Pass 都可以使用在巴士上的.

整座用金鋪面的金閣寺,真係好靚,就咁望落去好似一幅畫.

小琪話如果落雪會仲靚!樹上,閣頂都會有層白茫茫既雪蓋住,我都好想睇下!

遊覽日本景點有個特色,就係你會發現四周都好安靜,日本人為免打擾人只會細細聲討論.

藝術性的庭園.

以前導遊講過話地上的石子係一粒粒咁放上去,因為日本人認為每粒石子都有唔同既形狀,要根據石子既形狀再決定如何擺放,所以一個傳統而美麗的庭園,係需要好多錢同時間先可以形成.

日本人真係好有心機...

參拜時間.

哈!!時代既進步!!

我抽到吉簽,時過已一年,我可以話俾大家聽,呢支簽係唔準既~

今年我無遇到春天,雲層露出的仍是雲層,而貴人貴人你又在哪?

 2013唔應驗但都希望2014會靈.

小休時間.

食左杯390yen既雪糕同150yen既小丸子,雖然貴,但杯雪糕係幾好食既.

小休站其實已經接近金閣寺既出口,接著下一站 - 京都!

出左京都站後先去Bathing Ape幫阿哥買野,再搭巴士去清水寺.

人來人往!

維修當中既清水寺.

呢個係清水寺入面好出名專求戀愛既神社,但可惜我地好晏先去到,神社o岩o岩關左唔俾人入lu.

呢個景可以話係必影,但可惜影曚了!

今次行程緊密,不能慢慢細遊京都,下次定必穿上和服再訪此地!

入夜後的京都也很迷人!!

 

京都有間專賣宮崎駿既精品店,係小巷之間,如果唔係呢兩隻大野放係門口吸引人目光我實會行過頭!

 我仲買左塊勁靚勁靚勁鐘意既龍貓鏡!

今晚係最後一晚係大阪,食過大阪燒食過拉麵食過蛋包飯,仲有另一樣想食就係饅魚飯!

入夜後好多店都開始關門,但其實只係講緊6點到既事,可能因為配合清水寺既開放時間,如果神社關左到訪既人亦會變少.

饅魚飯+冷麵,唔錯!

食飽飽之後我地就選擇行路行返落去衹園,散下步.

途徑八阪神社,今日係日本既成人禮,神社內會有慶典,仲會見到好多著住漂亮和服既女仔.

 

小琪返到酒店仍好掛念頭先係商場見到既Kumamon小旅行o急,但因為佢本身已經帶左兩個o急,所以不得不放棄了~

最後一晚.....當然離不開要收拾行李.....

 6點幾就食飯,夜晚實會肚餓,啪返碗拉麵先,唔好見佢大大個包裝,但份量其實得好少!!

呢幾日係大阪既收穫!