2013。台中&台北。一人遊.Day 2

2013年5月30日 (四)

 

約左10:45-11:00am坐E-GO共乘車上清境,好休閒咁慢慢食完早餐再上房等司機黎接.

E-GO係個名,共乘車既意思就係夾埋幾個人一齊坐私家車去清境,司機會去埋飯店接你,送到去你民宿門口,點到點,好方便

 

只要上網預約,再過訂金(尾數第一次接送時俾埋司機就得),佢就會幫你安排接送,係出發前一日會有人打俾你話你聽大約幾點到去到飯店接你,佢仲可以安排埋去睇日出,遊覽清境,浸溫泉...等等節目.

而我就訂左 :

台中火車站 去 清境農場 台幣500

合歡山睇日出 台幣450

清境農場 去 台中高鐵站 台幣450

今日天氣又係好好呀,上到清境實好靚.

等到11點15分仲未黎,諗佳可能塞車等多陣啦....11點30分喇wor...電話又無個...好唔對路...

拖埋行李落大堂check out同叫職員幫我打上去E-GO到問,個邊d staff話係有我記錄,話真係安排左司機黎接我,話轉頭覆我....點知....覆我話個司機搬行李既時候遺失左我既資料(一張紙),所以唔記得黎接我!!!!!

唔係咁玩我丫嘛?!!!E-GO既職員勁say sorry,話係佢地安排不善點點點...我叫佢宜家搵司機黎接我去清境,佢話因為一早安排好哂工作已經無哂空司機,最快下午三點先有司機黎接我,話去程唔收我錢當賠罪,問題都唔係呢樣,晏畫3點先出發,起碼5點先上到去,都日落啦,一到夜晚就邊到都唔洗去,浪費哂d時間!!

之後飯店職員幫我check到20分鐘後南投客運有班直通車係附近開出直上清境,車程約3小時,如果我宜家快d去應該都仲趕得切,宜家12點,上到去都係3點幾,3粒鐘耐係耐d,總好過3點先係呢到出發...好!!

車站唔難搵,只係朝住同一個方法行4,5條街過對面馬路就到,而我就起勢咁快行行行...

唉....行到我氣都喘呀...好彩時間岩岩好...買完飛就上車喇...

上到車係到諗頭先真係幾剌激...雖然好黑仔咁都可以俾人遺留係飯店(連坐過共乘車又係一人遊清境個朋友都忍唔住笑我有無咁陰公,咁都俾人唔記得...T_T)..但又好好彩地趕到呢班車,令到行程都只係俾預定計劃遲左少少.

但如果我再遲少少既話就真係趕唔到呢班車,所以我都好感恩,個天雖然關左你到門,但佢仍會開返隻窗俾你,所有野都唔會好似你諗到咁衰,總會有希望!

上清境既路真係好崎嶇(我指車),係要轉幾十萬個彎同經過幾百個山頭先去到,我係誇張左,但我覺得咁形容係最貼切XD,d路仲要好貼崖邊,你係會望到自己愈上愈高,所以到後期我都唔敢訓教.

係壽亭站落車行過對面就係我既目的地.

 日出清境,迎風雙人房,我兩晚既民宿,特價左台幣2700/HK$740一晚,包早餐.

唔係特別靚,普普通通,清境其實有好多整得好靚又好特別既民宿,我揀個陣都好心大心細.

決定日光清境係因為佢有露台,又面向東邊,可以係露台欣賞日出!

所以點解我一個人住都要揀雙人房,就因為個露台.

我都有問過老闆其實我係一個人住,房租有無得便宜d,老闆話無辦法,始終係二人房間,嗚~~

SO NICE VIEW!!!

第二張相就係老英格蘭,好有歐洲建築風格,睇過blog內裡整得好靚,但好貴.

我發現左露台門外個隔網有隻好似蟑螂既昆蟲,想啪死佢但諗諗下算啦,農場實有呢d野,唔好亂殺生....就係呢晚發生件好恐怖既事......

整裝後民宿老闆就車我去遊客休閒中心.

休閒中心有兩層,有手信店,食物店...不過好快行哂,真係一個讓人"休閒一下"既中心.

 

 

寫完名信片後只要話俾職員聽你寄返去邊個國家佢就會俾適當既郵票你.

再掉落郵筒,咁寄到返屋企就會有清境農場既印章.

清境既天氣真係變得好快,入休閒中心前仲好好天,轉個頭就落雨,真係一啖沙糖一啖屎,哈!!

 Open將!GO!外遊既必到之地 - 便利店.

 發現天團呀!

 原來係換野抽獎.

 狗仔,你叫真心想俾錢按摩既人如何是好呀??

 

仲咁大雨,我都係坐一陣先返去喇.

見細雨左就行返去喇,休閒中心係山既中間,日光清境就係山既下半部,所以我沿著山路行返落去就得,大約行20分鐘到.

但行個陣真係要小心d,因為無行人路,全部都係行馬路邊,落雨d水又不斷沿路流落去,我都驚趴街慢慢行,同埋轉彎個陣都要停一停望下有無車轉上轉落.

 

 經過便利店就順便買埋補給食物,由於係氣壓關係,薯片變得胖胖的.

 

行到返去就停雨喇,但就俾出去之前多左雲同大霧左.

 

民宿平日都會送晚餐,四餸仲白飯任裝,我一個女仔邊食得哂丫...全部叫老闆幫我減半,唔好浪費!

 係清境夜晚都係無野好做,都係留係民宿打發時間,得閒就係到影下相.

望住一座座既山,將外世與呢到隔開得以寧靜,你可以話呢到好悶,但又可以話呢到可以讓人放慢腳步輕鬆下,呼吸一下休息一下.

 

 將你名為絕處逢生很適合吧.

每次行出露台睇景都會有d唔同,宜家又清返d喇.

乾糧.

靜靜的躺在沙發上,望著窗外,什麼也沒想,只享受寧靜.

 

開始日落了.

沒有太陽後更成了一片雲海.

日落後就賴在床上.....就這樣子.....睡著了.......

訓醒都已經天黑lu,一望出露台....嘩...嚇Q死我呀!!!

成個露台都係識飛既昆蟲呀!!!

原來係我唔記得熄燈就訓左引哂D昆蟲飛埋黎呀!!!雖然我好想出去望星星,但對唔住,打死我今晚都唔會行出去呢個露台.....!!

咁早食飯預左會肚餓,好醒咁買定杯麵一路食一路睇Running Man.

係台灣睇電視都見到TOP,嘻嘻!!

一個人訓教我其實唔驚,我反而係驚訓訓下教d昆蟲會飛埋黎我到,飛入我個口...飛入我隻耳...所以我好殘忍咁打死左幾隻已經飛左入房既昆蟲仔...如果唔係我實唔可以安心訓教...

但奇就奇在...我明明已經打死哂...點解過左陣又會有同一樣既昆蟲仔係房到?!唔通佢地識分身術?!

我就諗唔通我未關哂所有門或窗?!就去搵原因...原來係露台度門d膠無左,昆蟲可以通過個洞飛入黎,所以我就搵紙巾塞死個洞等佢地唔好飛入黎!!

今晚要早d訓喇,因為聽日凌晨既3點就要起身去合歡山睇日出!!