今日既Highlight係坐雪橇!!
出發前已經seach過一d雪地活動既資料,雪地電單車...冰釣...坐雪橇...參觀農場...等等,雪地活動可以話係燒錢既活動,玩兩至三個小時左右,價錢100...150...195歐不等,雖然係貴,但另一種說法可以話係花錢去體驗平時體驗唔到既野.
我地初時聽到EUR195坐雪橇係有些卻步,但諗諗下難得一次去到呢d冰天雪地既地方坐雪橇,無理由唔試下,怕唔試會後悔,所以都豁出去!EUR195就EUR195!
一朝早見個天咁靚,食早餐前就去影返幾張相先.
10點係酒店lobby集合,除左我地4個香港女仔外仲有5個澳門既女仔,攪雪地活動個老闆娘會check下我地既裝備夠唔夠暖,我地4個準備咁充足梗係pass啦,有兩個澳門女仔唔合格就比老闆娘帶左去換另一套厚d既衫.
 |
| 坐上專車出發去!! |
 |
| 我同阿欣個隊係殿後,一個坐,一個做控制員企係雪橇車後,之後先輪流交替 |
 |
| 前面個隊就係小琪同佩佩 |
 |
| 出發!!! |
除左激動,就係激動,只有激動.
跟著隊形出發,狗狗瘋狂的衝勁令到雪橇車係結冰既湖面上快速奔馳,除左刺激感外就係驚嘆,一望無際既雪地&樹林景觀,一股莫名的震撼感湧上心頭,試問人生會有幾次可以係咁?
我諗我一生都唔會忘記呢個情景.
 |
| 一路仲有風雪可以吹到你開唔到眼,唔講唔知,我仲以為自己係北極探險隊,哈哈~ |
係控制上只要跟足指示做就唔難,但我都出左意外,每隊與每隊之間一定要保持隔離前進,而我地人類就係跟著帶頭隊既領導員手勢"準備&前進&停下",而狗狗只係識向前奔跑,係第一次停下時,自認都幾大力既我竟然hold唔住d狗狗,就算雙手按下雪橇剎車扶手都仍比狗狗拖行,我要將成個身軀夾住扶手先可以將雪橇車完全剎停,但呢個時間我已經追上左前面個隊,兩隊狗狗平排企左係隔離.
結果............兩隊十幾隻狗狗打起上黎..........!
見到咁既場面我地都呆左,想試圖將佢地分開但又驚落車會有危險,因為控制員一落車架車就會不受控制,車上既人就會有危險,我地只好不知所措地&好驚地企係到望住佢地打交.
領導員由好遠咁邊跑過黎邊喝止班狗狗"hey!!!stop!!!"佢好吃力地將打哂結既狗狗逐隻逐隻分開後同我講話記得每隊之間要有隔離,勁唔好意思既我頭耷耷應佢"Yes...i know, i am so sorry..."
自此之後,我同阿欣就好怕會追到前面個隊,就追到時就講"減速!!減速!!"但唔知點解我地好多時都好易追得到佢地,所以我地就不斷減速...追上...再減速...再追上...無限reload
去到中段時又有事情發生喇,就係控制員同乘客交換位置,當我剛坐上雪橇車時發現架車開始慢慢向前郁緊,我就叫阿欣好似我咁用身軀按住剎車扶手,阿欣話佢已經咁做但架車仍然比狗狗拖行緊,正當我諗住落車去幫佢時佢就開始大叫"救~~~~命~~~~呀~~~~"
XDDDDDD,我的媽呀,我聽到佢叫救命我已經忍唔住大笑,阿欣仲繼續不斷大叫"救命呀!!~~~點算呀!!!~~~"佢愈叫我笑得愈勁,係笑到眼水都標哂出黎,個一刻我知我唔應該笑,但個情景實在太好笑喇,哈哈!!!!!
最終....領導員又再一次從遠處跑過黎問"what's wrong?!"佢可能心諗點解你地呢隊成日咁多事幹....XDDD
由於阿欣唔夠力hold住狗狗,所以變左我全程企係到做控制員.
 |
| 幾大風雪 |
 |
| 我同阿欣活躍的隊員 |
到達目的地後,我地終於明白點解我地呢隊好似特別多事,原來我地呢隊係有6隻狗狗,而其他隊只係得5隻,所以我地呢隊係特別大力d同跑得快d.
狗狗好似好惡,但其實佢地好乖!
 |
| 返農場後就去帳篷生火取暖黎個茶會時間,飲返杯好好味既唔知嘜東東,食返隻墨西哥包熱狗,大家笑笑談談坐雪橇車時發生既趣事 |
大家暖完身子後就開始參觀農場.
狗狗們真係好乖好熱情好撒嬌,仲不斷"了"我地玩~~
 |
| 呢隻雪橇對眼係唔同色,因為佢係雪橇mix狼,農場主人話佢好聰明,係佢既左右手,性格好冷靜,當我地圍繞住佢時,佢唔似其他狗狗咁會跑出黎歡迎我地,佢好不屑地係自己既小屋內反觀察我地,佢個樣好似係到講"你地班愚蠢既人類,有咩咁好望?"XD |
 |
| 呢張相點睇都係百笑不厭.XDDD |
 |
| 與狗狗自拍失敗 |
夠鐘就返酒店lu~~雪地電單車都回程,我地紛紛討論如果早一日坐雪橇感受完既話,我地今日一定會參加玩電單車,可惜我地聽日都要去英國,將來有機會實玩!!
我地既午餐就係油站既Scan Burger解決.
周圍再行下就返酒店休息,返回各自房後,坐雪橇既餘韻仲未完,仍繼續係到回味.
 | |
| 今日Boxing day,我地今晚決定係房玩game開party抽獎. |
 |
| 其中一個目的係要清咁d杯麵呀..零食呀..盡量減磅XDD |
湖上由本身無人...變變下有一兩個人...變成三四個人...我同同伴講"喂喂..好似愈黎愈多人wor..但個天仲係一大堆雲係到bor.."
食左兩三啖麵後我又再望,見到決定性既一刻,有人拎埋腳架出去呀!!我地於是就衝返去著衫咋咋林衝落去湖到.
萬眾期待既一刻終於黎喇.....係芬蘭最後既一晚.....極光終於出現喇!!!!!
用肉眼只係睇到一堆白色既雲霧,要透個相機先會睇到綠色既極光.極光係有分強弱度,宜家見到係弱既極光,頭幾張相我仲要係自調較光左,如果強既極光係用肉眼就可以見到綠色,就好似我地係巴士上見到既一樣.
見到個一下,個個都手忙腳亂,因為肉眼睇唔到,變左個個都拎住相機望同影,我們弱弱的影相技巧當然影唔到完整清晰既極光相.
 |
| 簡直就係太高興了!! |
同場加映,好耀眼既月亮同星空(但勢估唔到係英國見到既星空仲靚仲近)
當極光同我地Say bye bye後,我地好滿足地返房繼續We like to party~Yeah~Yeah....~
 |
| 今次旅程愛上既飲品Smoothie |
沒有留言:
張貼留言