今日我地會過一個好休閒既聖誕節,Inari本身呢個地方較荒蕪,加上假期,無咩鋪頭會開.
早餐種類都算多,日日都食到飽 |
Inari Hotel |
係正酒店對面有間K-Supermarket,今日聖誕都會開,不過開晏d |
今日天氣微雨帶風,呢個時候Gore-tex就起到重大作用喇,擋風又防水,very good!!
厚厚的雪 |
結哂冰既小河 |
成個Inari就係咁,一邊係湖邊,另一邊就係好疏遠既房屋同鋪頭 |
超級市場係我地留得最耐既一個地方,左揀右揀慢慢揀 |
天然雪櫃,雪野飲就得,雪雪糕就唔夠凍 |
出去周圍逛既途中,遇到來自新加坡既一家三口,媽媽主動同我地打朝呼,又問我地有無睇到極光,我地話暫時未見到,佢話佢地睇到一次,媽媽就問囡囡係幾時.囡囡就話係尋晚既9點幾,9點幾....?OMG!!!!!!9點幾咪姐係我地係巴士上見到綠色一撻野個時?!原來個撻綠色真係極光黎架!!雖然只係見到好短暫既時間,但已經好開心!!
今日我地唯一既行程就係去Siida博物館,由下午一點開到五點,Siida內係講述Sami族人既歷史,佢地點樣生活..住係嘜野既地方..點樣求生..點樣保暖..一年四季會係點過..
去Siida會經過一條橋,係橋就會清晰見到部份既Lake Inari,上面兩張相白色既部份就係結哂冰既範圍,可想而知本身個湖係有幾大.
晚餐決定係酒店餐廳食,聖誕節要食返餐好既,呵呵!
三文魚湯,好飲! |
鹿湯,唔識形容,但又唔係唔好味 |
豬+鹿(上面一粒粒個d) |
魚扒 |
雞+意大利飯 |
酒店餐廳分左兩邊,一邊係對著Lake Inari,另一邊係restaurant & bar,係食pizza,上網seach過評語都唔錯.
食飽飽就返上房聚下hea下,到夜少少我地就落左去Lake Inari碰下運氣會唔會見到極光.
今日都keep住有落微雨,都有心理準備唔會見到極光,再見到咁厚既雲層,直情可以死心. |
左手邊就係酒店新樓,右手邊就係舊樓. |
沒有留言:
張貼留言