。我的回憶錄。: 2012。首爾。Day 1

日期 : 2012年3月3日至7日
航空公司 : 韓亞
去程 : 3月3日 12:30am
回程 : 3月7日 8:10pm
酒店 : 明洞 Metro Hotel
目標 : 唔好食到過磅,唔好買到破產,唔好一去不返

今次話去旅行發現兩個好好笑既笑點,
1. 一聽到我話去韓國,每個人既反應都係一樣 : 下?!!你又去旅行呀!!你一年去幾次呀?! (我2011年係無去過旅行架!)
2. d人問我幾多個人去,我話兩個,每個人個反應都係一樣 : 下?!!得兩個咋? (我唔知佢地既反應係覺得兩個人去旅行好悶定係還是我一直都係一班人去旅行,所以今次得兩個就覺得好奇怪)

準備 :
因為我同我朋友都係無去過韓國,所以上網睇左好多blog,save定d有用資料落iphone,有d咩事拎張相/地圖/名俾佢睇,就算語言不通都唔怕!仲 download埋d apps係for韓國常用既詞&發音!係樂天超市俾阿豬媽睇個詞,佢就明白我係想要小份量,佢即刻勁開心讚我good good,因為之前佢同我朋友溝通唔到唔明我朋友想要咩,我一show個詞佢就明!

今次同行既好朋友 - KK!!

凌晨12點半機,上到機食完飛機餐,睇左1個鐘In Time,食完藥就訓教,因為本身已經唔舒服左兩日,聲都變埋,我絕對唔要係去旅行既途中病左!!!

過關,拎埋行李,唱埋錢,買T-Money,租埋電話就去巴士站,剛剛好6點~

兌換won : 對138,每人唱左$1000,共$2000,俾哂阿公.(我一直以為自己成個trip兌左$3000,宜家諗諗下,$1000機場,$1500明洞,$1500仁寺洞,原來係共兌左$4000先真!-__-!我總洗費又要加多$1000)

租電話 : 上討論區睇人地租電話既經驗,係個邊租部任上網既3G機,share個wifi出黎,咁同行既iphone ipad都可以上網,連打電話既錢都可以省埋,但去到得iphone可以揀,而個部iphone係未update新版本唔可以share個人熱點出黎,最後得租個部可以隨時隨地上網!如果要揀就Android,因為只要有個MOBILE AP功能就可以share wifi~還機個陣會check埋你用既分鐘量先收錢,宜家計返5日任上加打電話,都係$65一日~

一出機場就feel到有幾寒!!你一講野就會有好多白煙係你把口噴出黎,d風係凍風,會吹到你頭痛,吹到你隻手變冰!!

我地搭機場巴士6015,5B或12A都有得搭(上圖),去ibis hotel(第8個站)再行去酒店,dl左優惠卷每張車飛平左1000won,上車俾埋司機就得~盡量坐右手邊~因為可以望到巴士站既名牌~但司機唔係站站停,我搭個架好少人,上車前又問左我地係邊到落,所以佢淨係停我地落車個D站到~

機場去明洞好快,可能係凌晨既關係唔洗一個鐘就到左明洞,去酒店放低行李就出發去汗蒸幕!!

一出酒店轉個彎就即刻望到呢個白頭Top,我真係黎到韓國喇~~哈哈~~

舊的首爾車站外貌~

我地去乙支路入口站搭地鐵去首爾車站,好彩之前做定功課,韓國有d地鐵站左右方向既閘口係分開入,如果你入左錯閘就唔係好似香港咁行返個對面就得,而係要出閘再入過另一個閘口,變左洗多左錢~而乙支路入口站就係其中之一個,所以每次入閘前我都會望清楚先入~

搵唔到網友所講既首爾車站跟LOTTE Mart中間的騎樓,所以見有路就行,一上到呢條橋就覺得好臭!!原來我地偏偏行左網友唔建議行既天橋,因為太多流浪漢,不過光天化日佢地應該熟睡當中,所以快快行過就算!

好順利搵到我地既休息地 - Siloam汗蒸幕!

10000 won = 約$70就可以係到玩足一日.

揀呢間係有原因,因為有女性睡眠區,其實好多韓國人都會係大廳有位就訓,但有床位會訓得安心些~

俾完錢,除鞋入locker,用鞋locker key換擺衫既locker key,一入到去女湯,真係同傳聞中既一樣,每個女人都會赤裸裸地行黎行去,真係有些怕醜呢~

換完衫就上去睡眠區,個到都幾大,分上下架床,我諗都有成幾百個床位~

由8點幾訓到去11點半,我就起左身,KK仲想繼續訓,諗諗下咁不如自己去沖涼,反正一場黎到!

入鄉隨俗mock光豬都要試下,買左包沐浴露就裸住去沖涼,有諗過俾唔俾d阿豬媽卒身,d人話阿豬媽會卒你卒到乾乾淨淨,卒完好滑!因為佢地會卒左好多老泥出黎~不過諗諗下都係下次先,我怕卒得耐KK醒左要等我!沖完涼就去浸熱湯,41度,叫charcoal wood,好舒服哦~~~去試埋焗桑拿,但太熱喇,好快就出返黎~

沖完浸完成個更加精神舒服哂,就自己逛下每層有d咩,去尋找我想食想飲既係邊到~

等KK醒左就去食烤雞蛋同飲食醯(用糯米製成的韓國傳統甜飲),蛋就無咩特別,但杯野飲真係好好飲!!!甜甜地,凍凍地,有d似竹庶茅根!

整裝完就去左首爾站既樂天超市買野,買完出黎又見到Big Bang The North Face既廣告~

3點就出發返返去明洞食野,完全忘記左睇時間做人!!原先我個plan係最遲4點半就係明洞離開!趕時間既關係,返到去就求其揀左間樓上餐廳~

而我影呢張相個陣剛好四點,仲要係未開動,又要返酒店check in放低野,所以好急咁食完就走!但都要講,呢間野意外地很好食!!

可能你地會有個疑問點解我要咁急要4點半係明洞走,去邊呢?

嘩哈哈!!!無錯!!!我去左韓國睇演唱會呀!!!但基於某些理由,唔方便係facebook公開,有d朋友可能到宜家先知我其中一個行程就係去睇演唱會,哈哈!!!

2012 Big Show - Big Bang Alive Tour

http://blog.yahoo.com/_PEOXHRL6JRK7HU47NM7IV6VN2A/articles/615598/index?bb=0

睇完Show返到酒店差唔多9點半,KK係明洞兌左$1500,兌141,俾我想像中低哩~同事早我2星期去都有143~