繼五月天之後,我都無試過咁認真去鐘意一個歌手/一隊人,會去聽返哂佢地出過既碟,seach佢地既news,睇佢地上過既綜藝節目,留意佢地既近況!買佢地既CD!~
突然覺得自己仲係個學生妹係到追星!XD
起初係因為喜歡上Top所以先認識Big Bang,因為Top係Rapper,所以去聽Big Bang既歌,聽聽下又幾入耳,有點R&B有點Hip Pop有點韓式音樂,同我平時聽開既國語音樂係有些不同~慢慢就喜歡上!~
喜 歡上Big Bang的時候正值佢地既出事時期,其中一個成員大成因交通意外導致一人死亡,隊長G-Dragon涉嫌吸食大麻,呢兩件事令Big Bang陷入左危機,復出都唔知有無可能,因為韓國好重視公眾人物所做既野所說既話,有時可能因為講錯一句野而要離開該節目,有時只係無用敬語同長輩講野 而俾人插到飛起要道歉,有時都覺得幾誇張下~
其實Big Bang呢個名係好耐之前已經聽過,但完全無留意過佢地,只知道佢地好出名~而Top同GD間中都會係微博、海報網見到佢地既news,Top既初次感覺 係好cool,好難以接近,而GD就係一個Fashion Star~個陣只可以話認得下佢地個樣,個名其實都唔係好知~更加無諗過之後會鐘意左佢地~
係韓國做歌手真係唔容易,認識佢地之後真心覺得佢地好勁,好有毅力,好有恆心,好佩服佢地既努力!!
GD(左一)同太陽(中間)呢對青梅竹馬做左6年練習生,基本上成個青春都俾哂YG,返學放學跳舞練歌打雜日日如是,仲要話學校成績都唔可以差!
Top(左 二)由小學就開始熱愛Hip Pop,熱愛Rap,對於其他同年紀的同學仔只會覺得佢係另類係怪異,Top就成為佢地欺負既對象,所以Top既童年成長期係好孤獨,只有Hip Pop,Rap,沒有其他..佢出道後同一個較熟既哥哥講佢以前無朋友,最好既朋友係玩具瑪麗奧,(嗚嗚..可能我既成長期係熱熱鬧鬧..想像唔到如果自 己好似Top咁會點..)
直至Top遇上GD,Top就不再孤單,因為佢終於有一個有共鳴有共同嗜好既好朋友!GD覺得Top Rap既能力不錯所以介紹左俾YG社長老楊,結果老楊一句說話"以你宜家呢個身形係無可能出道!"於是.............
由咁肥變到咁瘦!!!!!!!我真係要好好向你學習呢....所以唔好睇少任何肥人呀,個個都可以係潛力股黎架~
睇網上資訊話Top用左一個月時間去減左40KG,我覺得有d誇大囉...一個月減20KG已經好勁!!總之佢係一個好短既時間內減得好勁啦!!!最後YG梗係收佢做練習生啦~
大 成(右二),學金鐘國話,大成算係好好彩,因為以佢咁既樣係好難出道,所以一起初佢係落選,但好多老師都推薦大成既能力最終可以入選Big Bang.大成係一個善良既微笑天使,永遠都係微笑迎人,想成為歌手既原因好簡單,因為可以賺多d錢養起晚晚做到好夜既辛苦爸爸,因為家族誕生同出演綜藝 節目,令到好多男女老幼都認識喜歡佢,因為佢識攪笑,會俾人一種好開心既感覺!
勝利(右一),係家鄉光州因為跳舞都小有名氣,直到去到首 爾呢個大城市才發現自己微不足道,身為練習生基本上都練到好夜先離開,因為屋企離公司太遠,有時無錢無車就迫住要訓車站,但佢毫不介意,只為出道.一起初 我唔係咁鐘意佢,因為覺得佢好驕傲,但認識深左,知道佢會從錯誤中學習,改善自己既缺點,驕傲慢慢變為自信,我就對佢改觀了!!
最緊要一樣野,佢地放棄左只有一次既青春歲月,正所謂我地既"那些年",去換取"一個機會"出道成為歌手實現夢想!
就算做左幾耐練習生都好,實力不足公司都唔會俾你出道,姐係就算你付出左有幾多都未必會有回報!所以話佢地下定決心個決心係有幾大!!
雖然佢地五個跳舞唔係特別叻(由其係Top...雖然佢好努力惡補先天既不足..但只可以話佢真係唔係跳舞既材料,仲俾fans話佢成日自行改舞步,哈哈!!)
佢地又唔係特別大隻(身材最好就得太陽同大成,勝利同GD就麻麻,由於Top係永世不露肉所以無得講)
佢地又唔係特別靚仔(最多都係Top同GD可以算係靚仔,勝利同太陽就屬於好樣又未算靚仔,大成唔係賣樣的XDD)
但我就是如此喜歡這樣的他們!!
話雖如此,佢地每個人都有好多優點架!!
Top : Rapper之外做戲都好得架,拍左套"向著炮火去"就拎左幾個獎,廣受好評連好多演藝前輩都讚佢.雖然有做戲天份但試過為左新碟而放棄準備左三個月既電視劇,完全符合左佢害羞地表現出自己既理想"對音樂方面的野心很大"!
GD : 作詞作曲家,YG的寶,Fashion icon!
大成 : 拍過音樂劇,係綜藝節目吃的很香!
勝利 : 自己開左間音樂學院,俾更多既人一個機會!其實我覺得佢把口轉得好快,都幾適合做mc同做綜藝節目,佢做親嘉賓都好好笑~
太陽 : 個人solo專輯賣得很好,唱歌跳舞都有肯定既實力!
今隻碟入面除左GD外,其他團員都有份創作,Rap詞係Top自己寫,大成都有份寫翅膀的詞!另外太陽都開始嘗試作曲!
2011年係佢地多災多難既一年,幸好佢地都捱過左,五個變得更加團結,2012年2月29日,佢地發行新碟-Alive!!代表佢地仍活著!!同時代表Big Bang is coming back!!
造型見仁見智,五個我最受得落既係Top,頂住一頂藍髮,銳利既眼神,真係不淡定了!!
唔講樣講音樂,新碟六首歌,六首都係主打歌,其中一首係大成solo,而我最喜歡既係Blue同Bad Boy!!~
Blue 係佢地好少有地唱既慢歌,第一次發現原來rap都可以溫柔地咁唱~
Bad Boy 唔係好識形容..節奏好突出又好似有d Hip Pop..唔識講!
Big Bang - BLUE
最後送上一張歌迷畫既寫實Big Bang圖!!
(左至右)
大成,護膚控,每晚都要膊mask入睡~
勝利,被哥哥纏著睡得不好~
GD,喜歡纏著騷擾弟弟入睡~愛犬家虎要睡在旁~
太陽,抱著心愛的Boss就可以睡得很好~
Top,像個小孩要抱著公仔才能安心入睡~
沒有留言:
張貼留言