。2012 Big Show。Big Bang Alive Tour。

韓國之旅由原定的3月尾因酒店無房轉到去3月3日出發,

3月2-4號Big Bang咁o岩又係奧林匹克體育館舉行Big Show,

又搵到途徑仲可以有機會買飛,

朋友又唔介意我捨棄佢五粒鐘,

而我又咁喜歡Big Bang,

呢場演唱會又係經過風雨2011之後既Alive 2012,別具意義.

咁多個又!!我真係諗唔到理由唔去睇囉!!

(我即刻諗到五月天既歌詞 " 有些事情還不做 你的理由 會是什麼? ")



我由2號線乙支路入口站搭到去往十里站再轉5號線去奧林匹克公園站.幸好一切都順順利利無搭錯車,其間仲見到香港.台灣.中國.日本既VIP!

3號出口,一爬上去,往右手邊走,再往咖啡館方向.並往右手邊望,再往全家便利商店的方向一直走就到,唔識唔緊要,跟VIP行就實無死!哈哈!!

到喇!!!

怎可能不合照呢?!

呢張相係兩位很熱心的日本VIP主動話幫我同佢地影相,即時覺得好溫暖!!haha!!

不過話是話,我發現係有好多日本VIP特登黎睇Big Show!!!佢地係日本的名氣真不是蓋的!!

見d人仲排緊隊入場,咋咋林周圍行下先,見到好多周邊都賣哂,但仲見到有人係到排隊,有一區係話專for海外歌迷購買周邊,要上網研究下先!唔通可以上網預訂?!定還是只係純粹個區有識外語既工作人員?~

個到展示左過往演唱會既相,又有大螢光幕播返上年既Big Show~

見時候都差唔多就搵入口進場!

G-Market,你會係我第二個淘寶既地方!XDDDD

話說我係香港搵代購買飛順便買埋專屬Big Bang既皇冠應援燈,點知衰在一個字"懶"!!!!!!

拾 行李個陣,我係到諗洗唔洗將電池拎出黎分開擺呢?諗諗下又要搵個小袋入住d電,一陣趕時間淨係記得拎燈無拎電池咪死?太麻煩既關係,我就由佢就咁放入喼, 點知返到酒店,拎出黎發現著唔到燈!!明明係香港試過都無問題架!!一擰,原來入面既電池d芯爆哂出黎..入面條鐵線歪埋...真係呢...下次都係唔好 懶喇...

最後係小檔到買左支螢光棒.....但我最想係拎住皇冠燈睇佢地演唱會呀!!

好彩有VIP既提醒,入場後如果俾人發現影相,係會強制性地迫你離場!!而我都親眼見識到!!

所以我一張相都無影,費事擔驚受怕,寧願好好enjoy個show!!

之前睇過座位圖,原以為自己會坐到好似紅館既$280咁~但去到俾我想像中近!!!

同埋感覺個場無紅館咁大,不過可能係因為紅館d位好高,所以隔離好遠!!

紅圈應該就係我坐個位置,坐係"EXIT"既隔離,正面望哂個台~

一開始佢地以alive慢慢登場,VIP尖叫連連,見到佢地行出黎唱Tonight,個陣都仲未有真實感(可能無諗過會見到真人吧!!)

直到Fantastic Baby,親眼見到佢地跳集體舞,個一刻,我醒哂喇!!情緒也來了!!!!

除新歌外,有最想聽既慢版Haru Haru,有想大家一齊High既High High,有I hate this love song既Love Song,有GD&Top既寫實歌Knock Out!

雖然無大成既Baby Don't Cry,但有"翅膀",聽到歌迷不斷有節奏地呼喚"姜大成!!姜大成!!姜大成!!"好似係VIP係到為大成打緊氣!!

2012 BIGSHOW songs' list
01. Tonight
02. Hands Up
03. Fantastic Baby
04. How Gee
05. Stupid Liar
06. Knock Out (GD&TOP)
07. High High (GD&TOP)
08. VVIP & What Can I Do (Seungri)
09. Gara Gara GO!!
10. Number 1
11. Cafe
12. Bad Boy
13. Blue
14. Ain't No Fun
15. Love Dust
16. Love Song
17. Look At Me Only (Taeyang)
18. Wedding Dress (Taeyang)
19. Where U At (Taeyang)
20. Wings (Daesung)
21. Haru Haru
22. Lies
23. Last Farewell
24. Sunset Glow

到後期佢地滾出兩個大波,入面係大成同太陽,然後就將兩大波滾去搖滾區中,VIP就係下面接著滾呀滾~

最好笑係太陽滾唔返上台,個陣大成已經順利出返黎,勝利仲笑著係咁搵"太陽哥呢?"

太陽係演唱會上表現好High,有一首歌就黎完,佢地四個已經企定哂係伸展舞台中間等個台落落去,但太陽仲係右手邊同歌迷揮手,大成定勝利走過去拍一拍佢先即刻走返去中間~~

之後到就完場個陣,太陽無啦啦走左落台行去歌迷到,歌迷梗係興奮啦!!但保安就好驚訝馬上圍住太陽,太陽好快就走返上台lu~~

(以上五張相出處請看logo)

Big Bang同五月天既演唱會俾我既感覺係好唔同,

每次睇完五月天後就會有一種好嚴重既失落感!(呢個問題由7年前已經發生,原因不明),接下來既一個星期腦海不斷浮起阿信既歌聲,bass聲,結他聲,鼓聲,仲有萬人大合唱既藍色螢光海!

但睇完Big Bang演唱會係會好high好開心,可能佢地d歌大部份都係節奏感好強勁同好快,令所有煩惱都會一掃而空,只沉醉於佢地既音樂到.

兩個鐘既Big Show好快就完結,好滿足地帶著興奮的心情離場,同時間亦開始期待下場Big Bang既演唱會!!

最開心既係演唱會唱既歌我全部都識!!!!只係有d可恨我唔識聽韓文,唔知佢地talking講咩!~

最後,謝謝你們令我的韓國之旅更加難忘!!!!



今日小小的出走,令我有種新體驗,燃起左我一個念頭.

自己一個人去旅行,應該是一種蠻不錯的經驗喔!!

嗯....!!

有些事情現在不做 一輩子都不會做了!!