2013。首爾&大阪。Day 5 - 奈良

雖然有d離譜,2013既1月旅行到2014仲寫緊^^",不過仍然想完成佢!

2013年1月12日(六)

今日行程 : 奈良-天保山-梅田.

好多人都會覺得奈良除左鹿就咩都無,仲有咩睇,好悶,但我唔覺,我反而仲好期待!

鹿係奈良既象徵,所以一出站就會見到好多鹿既野

三文魚+蝦三文治做早餐.

其實我好鐘意呢種街道!日本既味道!

一踏入奈良公園,你就會見到好多隻鹿仔追著人討吃的情況.XD

當我買緊鹿餅既時候,佢地已經用頭頂我示意要食餅.

其實佢地同狗仔都幾似,要做一d野引你注意俾野食佢,例如頂下你,咬下你咁啦.

佢地亦同狗仔一樣話極都唔聽,好百厭地係咁咬,無野既,唔會真係咬親你,只係咬到你濕哂姐!XD

 






















鹿仔全部都好溫馴,又唔怕人,只係睇下佢肯唔肯SHOW你,有鹿餅就會成群嗡哂埋黎,但一無餅係手,叫佢地埋黎?彩你都傻呀!

呢d成功合照都係錄片既功勞!

行去春日大社既途中會見到好多鹿出沒注意既牌,仲有d注意事項.

每次行親兩旁都係大樹既道路,我都忍不住幻想"如果呢d樹係櫻花..係楓葉..滿樹都係雪...實會好靚!!!"諗深一層真係未試過係呢d季節去旅行,可以計劃下!!

奈良公園係好大好大,見到好多一家大細同老人家都會黎散下步,探下鹿仔拜下神社,感覺好輕鬆好寫意,同埋成個公園都好寧靜,沿途咁行個心都好安寧,如果係香港一定感受唔到.

又被你地呢d樣令我停下腳步!>.<

嘻嘻嘻!!!見到d人被鹿追又覺得好好笑bor!!!

好啦!!最後一次喇!!

行多一陣就開始到達有1300年歷史既春日大社.


 

我地行到2點左右就走,出發去天保山!!